اتالعان تۇجىرىمداما كاسىپورىندارداعى ەڭبەك قاۋىپسىزدىگىن باعالاۋ ءتارتىبىن وزگەرتۋدى كوزدەيدى. ياعني ءار جۇمىس ورنىنداعى تاۋەكەلدەرگە نازار اۋدارىلماق. وسىلايشا, جۇمىس بەرۋشى مەن ەڭبەك ينسپەكتسياسىنا تاۋەكەلى جوعارى اۋماقتارعا ءمان بەرىپ, ءتيىستى شارالار قابىلداۋعا مۇمكىندىك بەرىلەدى.
ودان بولەك, ەڭبەك جانە حالىقتى الەۋمەتتىك قورعاۋ مينيسترلىگى زياندى ەڭبەك جاعدايىندا جۇمىس ىستەيتىندەرگە كورسەتىلەتىن الەۋمەتتىك قولداۋعا بايلانىستى نەگىزگى جاڭاشىلدىقتارىمەن ءبولىستى. وعان سايكەس جاسى 55-تەن اسقان, مىندەتتى زەينەتاقى جارنالارىن 7 جىل بويى اۋدارىپ وتىرعاندارعا ارنايى تولەم ەنگىزۋ قاراستىرىلادى. قاجەتتى قاراجات مەملەكەتتىك بيۋدجەت, بجزق, ءومىردى ساقتاندىرۋ كومپانيالارى مەن جۇمىس بەرۋشى تاراپىنان بەرىلمەك.
سونىمەن قاتار وتىرىستا كاسىپورىندارداعى قازىرگى جاعداي بويىنشا مالىمەت بەرىلدى. وسى ورايدا وڭىرلىك ۇشجاقتى كوميسسيالار, جۇمىس بەرۋشى مەن جۇمىسشىلاردىڭ مۇددەلەرىن قورعاۋشىلاردىڭ قىزمەتىنە قاتىستى سىن ايتىلدى. ەڭبەك جانە حالىقتى الەۋمەتتىك قورعاۋ مينيسترلىگىنە وڭىرلەردەگى ارىپتەستەرىمەن ەڭبەك داۋلارىنىڭ الدىن الۋ ادىستەمەسىنە قاتىستى تۇسىندىرمە جۇمىستارىن جۇرگىزۋ تاپسىرىلدى.
