فوتو: اشىق دەرەككوز
قازاقستان رەجيسسەرلەرىنىڭ كاسىبي شەبەرلىكتەرىن شىڭداۋ, شىعارماشىلىق تاجىريبە الماسۋ ماقساتىندا مادەنيەت جانە اقپارات مينيسترلىگىنىڭ قولداۋىمەن وتكىزىلەتىن فەستيۆالدە كورەرمەندەر وتاندىق 8 رەجيسسەردىڭ تۋىندىلارىمەن تانىس بولادى. اتاپ ايتقاندا, گۇلناز بالپەيىسوۆا, مەيرام حابيبۋللين, انتون زايتسەۆ, الىبەك ومىربەك ۇلى, شاعۋان ۇمبەتقاليەۆ, اننا تسوي, ءاريداش وسپانباەۆا جانە شىڭعىس جاقىپباي سىندى 35 جاسقا دەيىن رەجيسسەرلەردىڭ تاڭداۋلى قويىلىمدارى ساحنالانادى. استانا قالاسى اكىمدىگىنىڭ جاستار تەاترى, م.اۋەزوۆ اتىنداعى قازاق ۇلتتىق دراما تەاترى, س.سەيفۋللين اتىنداعى قاراعاندى وبلىستىق اكادەميالىق دراما تەاترى, تاعى باسقا ۇجىمدار ۇزدىك قويىلىمدارىن ۇسىنادى. فەستيۆالدە تەاتر ونەرىنە ەڭبەگى سىڭگەن قايراتكەرلەر ەسمۇقان وباەۆ, نۇرقانات جاقىپباي, تالعات تەمەنوۆ, اۋباكىر راحيموۆ, قۋاندىق قاسىموۆ, گۇلسينا ميرعاليەۆا, مۇرات احمانوۆ ارنايى شاقىرىلعان قوناقتار رەتىندە بوي كورسەتەدى.
ۇلتتىق جانە الەمدىك مادەنيەتتىڭ قۇندىلىقتارىن ۇيلەستىرە وتىرىپ, جاس رەجيسسەرلەردىڭ قالىپتاسۋ جولىندا ۇيىمداستىرىلىپ جاتقان ءى رەسپۋبليكالىق جاستار تەاترلارى فەستيۆالىنىڭ رەسمي اشىلۋ سالتاناتى قاراشانىڭ 1 جۇلدىزىندا, ساعات 17:00-دە وتەدى. شارا بارىسىندا ەلىمىزدە ۇزدىك دەپ تانىلعان قويىلىم رەجيسسەرلەرى ماراپاتتالادى.
قاتىسۋشى رەجيسسەرلەردىڭ ءتول تۋىندىلارى وزىندىك ەرەكشەلىكتەرىنە, ساحنالىق وزگەشەلىكتەرىنە بايلانىستى الماتى قالاسىنداعى ءۇش تەاتر ساحناسىندا كوپشىلىككە ۇسىنىلادى. ناقتىلار بولساق, 2 قاراشا ساعات 15:00 – «يا ەست», توتالنىي تەاتر تەاترلىق كومپانياسى, 18:30 – «قاراگوز» ع.مۇسىرەپوۆ تەاترى, 3 قاراشا 11:00 – «شىراق» ع.مۇسىرەپوۆ تەاترى, 18:30 – «كاسساندرا تاڭباسى» م.اۋەزوۆ تەاترلارىنىڭ ساحناسىندا قويىلادى. ال, 4 قاراشا 15:00 – «ريچارد ءىىى» ع.مۇسىرەپوۆ تەاترى, 18:00 – «قىز جىبەك» م.اۋەزوۆ تەاترلارىندا ساحنالانسا, فەستيۆالدىڭ سوڭعى 5 قاراشا كۇنى 11:00 – «قوبىلاندى» ع.مۇسىرەپوۆ تەاترى, 18:30 – «العاشقى ۇستاز» ع.مۇسىرەپوۆ تەاترىندا كورەرمەنمەن قاۋىشادى. 6 قاراشا كۇنى فەستيۆالدىڭ رەسمي جابىلۋى بولادى. تۇڭعىش رەت وتكىزىلەتىن فەستيۆالدىڭ دەڭگەيى جوعارى, سالماعى اۋىر, ماڭىزدىلىعى جوعارى بولاتىنىنا سەنىم مول.
الماتى
