فوتو: اشىق دەرەككوز
ەڭبەكتىڭ ءبىرىنشى تومىندا اۆتوردىڭ «جاندى جۇيە», «رۋح بوستاندىعىنىڭ جىرشىسى», «تارازي تاعىلىمى» مونوگرافيالارى جيناقتالسا, ەكىنشى تومىندا «قاناتتى قالامگەر», «كوركەم ءسوزدىڭ كورنەكتى وكىلى» جانە وتاندىق جانە شەتەل باسىلىمدارىندا جارىق كورگەن ماقالالار جيناعى توپتاستىرىلعان.
«جاندى جۇيە» مونوگرافياسى قازاق پوەزياسىنىڭ كورنەكتى وكىلى جاراسحان ابدىراشەۆ ەڭبەكتەرىنىڭ كوركەمدىك سيپاتى مەن ەرەكشەلىگىنە ارنالعان. ال «رۋح بوستاندىعىنىڭ جىرشىسىندا» قر مەملەكەتتىك سىيلىعىنىڭ يەگەرى, جازۋشى دۇكەنباي دوسجاننىڭ قالامگەرلىك شەبەرلىگى, ستيلدىك ەرەكشەلىگى ايتىلادى. اتى ايتىپ تۇرعانداي «تارازي تاعىلىمىندا» اۆتور جازۋشى, دراماتۋرگ, قازاقستاننىڭ ەڭبەك سىڭىرگەن قايراتكەرى, مەملەكەتتىك سىيلىقتىڭ لاۋرەاتى اكىم تارازي شىعارماشىلىعىن تالداپ, ادەبي زەرتتەۋ جۇرگىزگەن.
ال ەڭبەكتىڭ ءۇشىنشى تومى ادەبي زەرتتەۋلەر قامتىلعان «ادەبيەت يىرىمدەرىنە» ارنالعان.
الپىسباي مۇساەۆ شەتەلدەردىڭ عىلىمي ورتاسىنا تانىلعان ەلىمىزدەگى ساناۋلى عالىمداردىڭ ءبىرى. پروفەسسور يۋنەسكو ورتالىعىندا تاعىلىمدامالاردان ءوتىپ, فرانتسيا, اۆستريا, يتاليا ۋنيۆەرسيتەتتەرىندە ءدارىس وقىدى, ەڭبەكتەرى شەتەل باسپالارىندا جاريالاندى.
