فوتو: اشىق دەرەككوز
«قازاقستان الەۋمەتتىك سالادا ايتارلىقتاي تابىسقا قول جەتكىزدى. حالىقتىڭ دەنساۋلىعىن جاقسارتۋ ءۇشىن قوماقتى قارجى ءبولىنىپ جاتىر. سونىڭ ناتيجەسىندە ازاماتتاردىڭ ورتاشا جاسى 74,4 جاسقا جەتتى. بۇل – ەل تاريحىنداعى رەكوردتىق كورسەتكىش. قيىندىعى كوپ بولعان توقسانىنشى جىلداردا حالىق سانى كۇرت ازايدى. ءبىز قازىرگى تاڭدا وسى دەموگرافيالىق قۇلدىراۋدى ەڭسەردىك. كوپ ۇزاماي حالقىمىزدىڭ سانى 20 ميلليونعا جەتەدى. بۇل ەلىمىزدىڭ تۇراقتى دامۋىنىڭ ايقىن كورىنىسى دەۋگە بولادى. ءبىر سوزبەن ايتقاندا, ازاماتتارىمىز ءوز ۇرپاعىنىڭ جارقىن بولاشاعىنا جانە ەلىمىزدىڭ ەرتەڭىنە سەنىممەن قارايدى», دەدى قاسىم-جومارت توقاەۆ.
سونداي-اق ول «ۇلتتىق قور – بالالارعا» باستاماسىن جۇزەگە اسىرۋ ءۇشىن ءتيىستى زاڭ قابىلدانعانىن ەسكە سالدى. نەبارى ەكى ايدان كەيىن بالالاردىڭ ەسەپ-شوتىنا قارجى تۇسە باستايدى.
