اعىلشىن ليگاسى بويىنشا العىرلىق تانىتقان جاس پىكىرسايىسشى ەندى سەربيا مەملەكەتىندە وتەتىن حالىقارالىق دوداعا ەل اتىنان قاتىساتىن بولدى.
ازات استانا قالاسىندا وتكەن گراند-تۋرنيردە ورالداعى ءاليا مولداعۇلوۆا اتىنداعى №38 مەكتەپ-ليتسەيىنىڭ وقۋشىسىمەن بىرگە ءبىر كوماندادا سايىسقا ءتۇستى.
– بۇل تۋرنيرگە ءبىر اي بويى دايىندالدىم. قازاقستاننىڭ ءار تۇكپىرىنەن ەڭ مىقتى دەپ ىرىكتەلگەن 40 شاقتى پىكىرسايىسشى جينالدى. ولاردىڭ اراسىنان وزىق اتانۋ – مەن ءۇشىن ۇلكەن جەتىستىك. ەلىمىزدەگى جانە جاستار اراسىنداعى وزەكتى تاقىرىپتاردى قوزعادىق. ارينە, ساباقپەن قوسا بۇل سايىسقا ازىرلەنۋ وڭاي بولمادى. الداعى ۋاقىتتا حالىقارالىق دەڭگەيدە وتەتىن اعىلشىن ليگاسىندا ەل نامىسىن قورعاۋعا بار كۇشىمدى سالامىن, – دەيدى ازات.
ايتا كەتەيىك, حالىقارالىق سايىسقا اتتانعالى وتىرعان ۇزدىك دەباتشى ءوزى وقيتىن مەكتەپتەگى «پاراسات» دەبات ۇيىرمەسىنىڭ بەلسەندى مۇشەسى.
باتىس قازاقستان وبلىسى
