كوللاجدى جاساعان – قونىسباي شەجىمباي, «EQ»
بۇگىندە تاجىريبەدە ەكى فۋنكتسيا بار – «نەيروندىق جەلىدە ناقتىلاۋ» جانە «قىسقاشا قايتالاۋ». نەيروجەلى تەوريانىڭ كەز كەلگەن كۇردەلى ءساتىن وزگەشە تۇسىندىرەدى جانە وتكەن تاقىرىپتاردى قايتالاۋعا كومەكتەسەدى. ەگەر ستۋدەنت ساباقتىڭ ءبىر بولىگىن تۇسىنبەسە, ماتىندەگى قاجەتتى فراگمەنتتى ءبولىپ الىپ, ستسەناريدى قوسىمشا دەرەككوزدەرگە قوسادى. كۇزدىڭ سوڭىنا دەيىن «YandexGPت» پراكتيكالىق ترەناجەرلاردا پايدا بولىپ, نەيروندىق جەلى كودتاعى قاتەلەردى تابۋعا جانە ولاردى تۇسىندىرۋگە كومەكتەسەدى.
– وتانداستارىمىزدىڭ ءبىلىم بەرۋ ۇدەرىسىندە ەڭ زاماناۋي تەحنولوگيالاردى قولدانۋعا مۇمكىندىگى بار ەكەنىنە قۋانىشتىمىن. IT ماماندىقتارىن وقىتۋ ۇدەرىسىندە گەنەراتيۆتى نەيروندىق جەلىلەردى پايدالانۋ وقۋدى ودان ءارى جەكەلەندىرۋگە جانە ءتيىمدى ەتۋگە كومەكتەسەدى, – دەپ ءتۇسىندىردى عىلىم جانە جوعارى ءبىلىم ۆيتسە-ءمينيسترى كاميل اقاتوۆ.
بۇل جوبا ءبىلىم بەرۋ باعدارلامالارىنىڭ ساپاسىن جاقسارتادى. «ياندەكستىڭ» ماشينالىق وقىتۋ سالاسىنداعى تەحنولوگيالار مەن تاجىريبەسىنە جۇگىنۋ – ستۋدەنتتەردى ىنتالاندىرا تۇسەدى. ءتىل مودەلى پراكتيكۋمنىڭ تەوريالىق ماتەريالدارىنىڭ جەلىسىندە وقىتىلادى, ال جاۋاپتاردىڭ ساپاسى مەن دالدىگىن كۋرس ساراپشىلارى تەكسەرەدى. قازىر «YandexGPT» تۋدىرعان جاڭا مۇمكىندىكتەر ۆەب-نۇسقادا جانە «ياندەكس پراكتيكۋمنىڭ» ءموبيلدى قوسىمشاسىندا قولجەتىمدى.
بۇرىن بۇل جوبا ەلدىڭ دومەندىك ايماعىندا ىسكە قوسىلىپ, 2023 جىلدىڭ تامىزىندا كۋرستاردى تەڭگەمەن تولەۋ مۇمكىندىگى تۋدى. قازىرگى ۋاقىتتا پراكتيكۋمدا وتانداستارىمىزعا باعدارلامالاۋ, دەرەكتەردى تالداۋ, ماركەتينگ, مەنەدجمەنت, ديزاين جانە باسقا دا IT باعىتتار بويىنشا 90-نان اسا كۋرس قولجەتىمدى. ءتىپتى جاڭادان باستاعاندارعا, اۋەسقويلارعا, وسى ماماندىقتا دامىعىسى كەلەتىندەرگە دە ارنالعان جەكە كۋرستار بار. وقىتۋ «ياندەكستىڭ» جەكە تەحنولوگيالىق پلاتفورماسىندا وتەدى. بۇعان قوسىمشا تەوريانى, پراكتيكالىق تاپسىرمالاردى پورتفوليوعا سالۋعا بولاتىن قورىتىندى جوبالارى دا بار.
– ءبىز «ياندەكس پراكتيكۋمىندا» بىلىكتى IT مامانداردى دايارلاۋعا ىقپال ەتە الاتىنىمىزدى ماقتان تۇتامىز جانە سول ارقىلى قازاقستاندا IT يندۋستريانىڭ دامۋىنا ءوز ۇلەسىمىزدى قوسامىز. نەيروندىق جەلىلىك كەڭەستەردىڭ ناتيجەسىندە سەميناردا وقىتۋ ءار ستۋدەنتتىڭ قاجەتتىلىكتەرى مەن دايىندىق دەڭگەيىنە بەيىمدەلەدى, ال تسيفرلىق داعدىلار قولجەتىمدى بولادى, – دەپ تۇسىندىرگەن ەدى «ياندەكس اراكتيكۋمنىڭ» ديرەكتورى يليا كۋرمىشەۆ.
قازاقستاندى تسيفرلاندىرۋ جونىندەگى ۇلتتىق جوبانىڭ ماڭىزدى بولىگى – IT سالاسىنداعى ءبىلىم بەرۋ. 2025 جىلعا دەيىن مەملەكەتىمىز كەمىندە 100 مىڭ IT كادر دايارلاۋعا نيەتتى. جۇمىس بەرۋشىلەر تاراپىنان دا سۇرانىس بار. وسى كۇنى اقپاراتتىق تەحنولوگيالار سالاسىنداعى ماماندار ەلدەگى ەڭ سۇرانىسقا يە 5 ماماندىقتىڭ قاتارىندا. ستاتيستيكاعا سايكەس, وتكەن جىلمەن سالىستىرعاندا بولاشاق ءىت ماماندارىنىڭ سانى شامامەن 30 پايىزعا وسكەن. بۇل – جاقسى كورسەتكىش. اقپاراتتاندىرۋدى دامىتۋدىڭ ايقىنداۋشى پەرسپەكتيۆاسى جاڭا ءىت ماماندارىن دايارلاۋدى قاجەت ەتەدى. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى 20 زاماناۋي باعدارلامالاۋ مەكتەبىن اشۋ, IT باعدارلامالاۋ مەكتەپتەرىنە 20 مىڭ ۆاۋچەر (وقۋعا گرانت) ءبولۋ, بەيىندى ۋنيۆەرسيتەتتەردىڭ وڭىرلىك ۋنيۆەرسيتەتتەرگە قامقورلىق كورسەتۋ سىندى ىستەردى اتقارىپ جاتىر.
