فوتو: kaz.inform.kz
قازاقستان بوچچا فەدەراتسياسىنىڭ پرەزيدەنتى, سەنات توراعاسى ماۋلەن اشىمباەۆ ۇلتتىق قۇراما جازعى ازيا پارا ويىندارىنا قاتىسۋ جولداماسىن العاش رەت يەلەنگەنىن ايتتى.
«سپورتشىلارىمىز حانچجوۋدا جاتتىعۋلارىن وتكىزىپ, دايىندىقتارىن پىسىقتاپ جاتىر. جەرەبە تارتۋدىڭ ناتيجەسىندە ءبىزدىڭ كوماندا قىتاي, كورەيا, جاپونيا, تايلاند جانە يران قۇرامالارىمەن ءبىر توپقا ءتۇستى. الداعى جارىستا اتلەتتەرىمىزگە جەڭىس تىلەيمىز. سوڭعى ۋاقىتتا بوچچا سپورتى ەل كولەمىندە قارقىندى دامىپ كەلەدى. قازىردىڭ وزىندە سپورتشىلارىمىز بىرقاتار حالىقارالىق جارىستارعا قاتىسىپ ۇلگەردى. قىزىعۋشىلاردىڭ دا قاتارى ايتارلىقتاي ارتىپ كەلە جاتقانىن اتاپ وتكەن ءجون. قازاقستان بوچچا فەدەراتسياسى الداعى ۋاقىتتا دا بوچچاشىلارىمىزعا قولداۋ كورسەتىپ, وسى باعىتتاعى جۇمىستى جۇيەلى تۇردە جالعاستىرا بەرەدى», دەدى م.اشىمباەۆ.
قىتايدىڭ حانچجوۋ قالاسىندا وتەتىن ءىV جازعى ازيا پارا ويىندارى 28 قازانعا دەيىن وتەدى.
