2023 جىلدىڭ 9-10 قازانىندا اتىراۋ قالاسىنداعى «اق جەلكەن» بيزنەس ورتالىعىنىڭ ءماجىلىس زالىندا ءدىن ماسەلەرى بويىنشا بىلىكتى مامانداردى دايىنداۋعا باعىتتالعان ءىس-شارا ءوتتى. وعان ء«دىن زەرتتەۋ ورتالىعىنىڭ», «اقنيەت» قق, «شاپاعات» دەسترۋكتيۆتى ءدىني اعىمداردان جاپا شەككەندەرگە كومەك كورسەتۋ ورتالىعى» قق, مەشىتتەردىڭ جانە ت.ب. ماماندارى, يمامدارى, پسيحولوگتارى مەن تەولوگتارى قاتىستى. جيىندا ءدىن ماسەلەلەرى بويىنشا ءتۇسىندىرۋ توبىنىڭ مۇشەلەرى – پەداگوگيكا جانە پسيحولوگيا مامانى تويعانوۆ مىرزابەك سارداربەك ۇلى, «الەۋمەتتانۋ» عىلىمدارىنىڭ كانديداتى جاقيانوۆ تالعات جاردەمقۇل ۇلى, ءدىنتانۋشى, تەولوگ وسپانوۆ دالەلحان, ءدىنتانۋشى مىرزاەۆ بالعابەك ابدىقايىم ۇلى سەمينار وقىدى.
تويعانوۆ مىرزابەك سارداربەك ۇلى «مەتودى رابوتى س تسەلەۆىمي اۋديتوريامي پو پروفيلاكتيكە ۆوۆلەچەنيا ۆ دەسترۋكتيۆنىە رەليگيوزنىە تەچەنيا» تاقىرىبى اياسىندا قاتىسۋشىلارعا دەسترۋكتيۆتى ءدىني اعىم جەتەگىندە كەتكەن وتباسىلارمەن اڭگىمە جۇرگىزۋ, بايلانىس ورناتۋ جانە ءوزىن-ءوزى ۇستاۋ جولدارىن ءتۇسىندىردى. ونىڭ ۇستىنە, «مەتوديچەسكيە اسپەكتى دەراديكاليزاتسي وسۋجدەننىح زا ەكسترەميستسكيە ي تەرروريستيچەسكيە پرەستۋپلەنيا» تاقىرىبىمەن جازاسىن وتەۋشىلەردىڭ اراسىندا تاربيە جانە الەۋمەتتىك جۇمىس جۇرگىزۋ, پسيحولوگيالىق بەينەسىن انىقتاۋ جانە جاعدايدىڭ كۇردەلەنۋىنە جول بەرمەۋ تاسىلدەرى تۋرالى ءسوز قوزعادى.
جاقيانوۆ تالعات جاردەمقۇل ۇلى «زايىرلىلىق قوعامدىق كەلىسىم مەن تۇراقتىلىتىڭ نەگىزى رەتىندە» تاقىرىبىندا جالپى تەوريالىق اقپارات بەرىپ, قاتىسۋشىلارمەن جۇمىس جاسادى. سونداي-اق, «قازاقستانداعى ءدىني احۋال: نەگىزگى ماسەلەلەر مەن تەنديتسيالار» تاقىرىبىمەن قازاقستانداعى ءدىني جاعدايلاردى تۇسىندىرە وتىرا, وعان قاتىستى كۇردەلى سۇراقتارعا جاۋاپ بەرۋ ادىستەرىن ۇيرەتتى.
وسپانوۆ دالەلحان «يسلام الەمىندەگى الاۋىزدىقتىڭ سەبەپتەرى مەن شەشۋ جولدارى» تاقىرىبى اياسىندا قاتىسۋشىلارعا يسلام دىنىندەگى كۇردەلى پروبلەمالار مەن اسقىنىپ تۇرعان ماسەلەلەردى تۇسىندىرە وتىرا, يسلام الەمىنىڭ بىرلىگى جولىندا تۇرعان نەگىزگى كەدەرگىلەر جانە ونىمەن كۇرەس جولى جايىندا ايتا كەتتى. ونىڭ ۇستىنە, «وڭالتۋ جۇمىستارىن ءتيىمدى جۇرگىزۋ جولدارى» تاقىرىبىمەن ماماندارعا جۇمىس بارىسىندا جاعدايدىڭ كۇردەلەنۋىنە جول بەرمەۋ تاسىلدەرى مەن وڭالتۋ قاعيدالارى تۋرالى ءسوز قوزعادى.
مىرزاەۆ بالعابەك ابدىقايىم ۇلى «قازاقستان رەسپۋبليكاسىنداعى راديكالدىق جانە ەكسترەميستىك باعىتتاعى ءدىني اعىمدار جانە ولاردىڭ بەلسەندىلىگى تۋرالى» تاقىرىبى اياسىندا تىڭداۋشىلارعا دەسترۋكتيۆتى ءدىني اعىمداردىڭ قوعامعا قاۋپى, نەكە جانە وتباسى ينستيتۋتىنا, ادام دەنساۋلىعىنا قاتەرى تۋرالى ايتىپ ءوتتى. سونداي-اق, «زايىرلىلىق جانە ونىڭ ءدىني بىرلەستىكتەرمەن قارىم-قاتىناسىنىڭ نەگىزگى پرينتسيپتەرى» تاقىرىبىندا زايىرلىلىق, زايىرلى مەملەكەت: ۇعىمى, ءمانى, سيپاتى, زايىرلى ادەپ نەگىزدەرى تۋرالى ءسوز قوزعادى.
سونىمەن قاتار, سەمينارلار مەن ترەنينگتەر بارىسىندا قاتىسۋشىلار تاراپىنان دارىسكەرلەرگە سۇراقتار قويىلىپ, تۇجىرىمدى جاۋاپتار الىندى.
