ەلگە پايدالى ەرەكشە فورۋم

جيىنعا IT-سالاداعى ەڭ تابىستى وتان­دىق جانە شەتەلدىك ساراپشىلار, 30 ەلدەن كەلگەن دەلەگاتسيا, 300-دەن اسا IT-كومپانيا وكىلدەرى, 450 سپيكەر, 100-دەي ينۆەستور, 150-دەن اسا ستارتاپ اۆتورلارى قاتىستى. بارلىعىن قوسا العاندا 30 مىڭ قاتىسۋشى جينالدى. فورۋمنىڭ بيىلعى تاقىرىبى – «جاساندى جانە ادامي ينتەللەكت: دۇرىس تەپە-تەڭدىك».

پلەنارلىق وتىرىستا مەملەكەت باسشىسى قاسىم-جومارت توقاەۆ كەيىنگى بەس جىلدا اتالعان فورۋم ورتالىق ازياداعى IT-يندۋستريانىڭ سوڭعى ۇردىستەرى مەن دامۋ پەرسپەكتيۆالارىن تالقىلاۋعا ار­نال­عان ءىرى الاڭعا اينالعانىن اتاپ ءوتتى. ال تسيفر­لىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين «فورۋم شەتەلدىك ينۆەستيتسيالار مەن ءىرى حالىقارالىق كومپانيالاردى تارتا وتىرىپ, قازاقستاندا IT-سالانىڭ دامۋى­نا بەلسەندى ىقپال ەتەدى. بۇل ءوز كەزەگىندە ەلدىڭ IT-سالاسىنداعى ەكونوميكالىق كورسەت­كىشىنە وڭ اسەر ەتەدى», دەدى.

ايشىقتى IT-جيىنعا ۆەنچۋرلىق ينۆەستور, دراپەر ۋنيۆەرسيتەتىنىڭ نەگىزىن قالاۋشى تيم دراپەر, TikTok باس ديرەكتورى شوۋ تسزى چۋ, Digital Nomads قاۋىمداستىعىنىڭ نەگىزىن قالاۋ اسەت ابدۋاليەۆ, ICPC قورىنىڭ اتقارۋشى دي­رەكتورى ۋيليام پاۋچەر, SpaceX كوم­پا­نياسىنىڭ Starlink ماسەلەلەرى بويىنشا ۆيتسە-پرەزيدەنتى لورەن درەيەر, اrbuz, Aviata, Pinemelon USA جانە Ticketon ون­لاين قىزمەتتەرىنىڭ نەگىزىن قالاۋشى الەكسەي لي, Barrat Media ديرەكتورى دجەيمس باررات قاتىستى. فورۋمدا قازاق­ستان­­نىڭ IT-ەل رەتىندە دامۋىنىڭ ماڭىز­دى تاقىرىپتارى, كرەاتيۆتى يندۋستريا, ءبىلىم بەرۋدە GPT تەحنولوگياسىنىڭ قولدا­نۋى, Smart city تۇجىرىمدامالارى, تسيفر­لىق ەكونوميكاداعى ايەلدەردىڭ جاڭا پەرس­پەكتيۆالارى, ۆەنچۋرلىق نارىقتاردىڭ دامۋى, عارىشتىق بايلانىستاعى پروگرەسس, 5G-ءدىڭ تسيفرلىق ترانسفورماتسياعا اسەرى, No Code ترەندتەرى, سونداي-اق جاساندى ينتەللەكت پەن دەموكراتيانىڭ ءوزارا ءىس-قيمىل ماسەلەلەرى, باسقارۋ ادىستەرى تالقىلاندى.

«Digital Bridge 2023-ءتىڭ ەڭ قىزىقتى ءارى كوپتەن كۇتكەن بولىگى IT-الە­مدەگى ەڭ ءىرى ستارتاپ-شايقاستاردىڭ ءبىرى رەتىندە Astana Hub Battle ءىس-شاراسىن ايتۋعا بولادى. وعان ورتالىق ەۋرازيادان 200-دەن استام IT-كومپانيا قاتىسىپ, وزدەرىنىڭ IT-ونىمدەرىن ودان ءارى دامىتۋعا 125 مىڭ دوللار كولەمىندە جالپى جۇلدە قورى ءۇشىن باسەكەگە ءتۇستى. جەڭىمپازدار بەس اتالىم بويىنشا انىقتالدى. ولاردىڭ ارقايسىسى 25 مىڭ دوللارعا يە بولدى. MyMind, Porte, Beksar, MyStory جانە Qtap ستار­تاپتارى جارىستىڭ ۇزدىكتەرى دەپ تانىلدى», دەدى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى اقپاراتتىق تەحنولوگيالار سالاسىن دامىتۋ دەپارتامەنتىنىڭ ديرەكتورى ەرسۇلتان ەرمانوۆ.

ال ناقتى ارەكەتتەرگە كەلەر بولساق, Digital Bridge 2023 الاڭىندا مەملەكەتتىك ورگاندار, ءىرى كومپانيالار, حالىقارالىق تەحنوپاركتەر جانە باسقا دا ۇيىمدار IT-يننوۆاتسيالاردى دامىتۋعا باعىتتالعان 29 قۇجاتقا قول قويدى. تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى 3 مەموراندۋمدى بەكىتتى. ونىڭ ىشىندە ICPC قورىمەن 2024 جىلى قازاق­ستاندا باعدارلامالاۋ بويىنشا الەم چەمپيوناتىن وتكىزۋ تۋرالى كەلىسىم جاسالدى. «Astana Hub» حالىقارالىق تەحنوپاركى وڭىر­دە ۆەنچۋرلىق ينۆەستيتسيالاردى تانى­مال ەتۋگە ورتالىق ازياداعى تەحنولوگيا­لىق ستارتاپتاردىڭ ەكوجۇيەسىن, ەلىمىزدىڭ ۆەن­چۋرلىق نارىعىن دامىتۋعا باعىتتالعان 8 مە­موراندۋمعا قول قويدى.

«Digital Bridge 2023 الاڭىندا ءداستۇرلى تۇردە كورمەلەر مەن ءتۇرلى تاقىرىپتىق الاڭ ۇيىمداستىرىلدى. IT-مەكتەپتەر مەن ايماقتىق IT-حابتار كورمەسىندە ەلىمىزدەگى 16 ۇزدىك IT-مەكتەپ جانە 14 وڭىرلىك حاب وكىلدەرى كەلۋشىلەرگە تسيفرلاندىرۋدىڭ دامۋى, ءبىلىم بەرۋ باعدارلامالارى مەن وڭىرلەردەگى ستارتاپتاردىڭ جەتىستىكتەرى تۋرالى ايتىپ بەردى. Pitching Zone-دە, سونداي-اق VC, ستارتاپتار مەن كومپانيالار كورمەلەرىندە IT-كاسىپكەرلەر ءوز جوبالارىن ۇسىنىپ, جەتىستىكتەرى مەن جوسپارلارى تۋرالى اڭگىمەلەدى, ءتۇرلى سالاداعى ءىرى كورپوراتسيالار وكىلدەرىنىڭ پىكىرىن ءبى­لىپ, ىنتىماقتاسۋ مۇمكىندىگىن تالقىلادى. فورۋم الاڭىندا عانا ەمەس, مەتاعالامدا دا وتكەن ۆاكانسيالار جارمەڭكەسىندە 20 ءىرى كومپانيا 500-دەن اسا بوس جۇمىس ورنىن ۇسىندى. وسىلايشا, نيەت بىلدىرگەندەرگە الەمنىڭ كەز كەلگەن جەرىنەن جارمەڭكەگە ونلاين قاتىسۋ مۇمكىندىگى بەرىلدى», دەدى «Astana Hub» حالىقارالىق تەحنوپاركىنىڭ وفيس ديرەكتورى داۋلەت بەيمۇرزينوۆ.

ەڭ قىزىعى, «Meet the Drapers» ستارتاپتارى تۋرالى رەاليتي-شوۋ ءتۇسىرىلدى. فورۋمدا امەريكالىق رەاليتي-شوۋدىڭ 7-ماۋسىمىنىڭ ءبىرىنشى ەپيزودى ءتۇسىرىلىپ, وندا ءتورت وتاندىق ستارتاپ ينۆەستورلار الدىندا 1 ملن دوللار ينۆەستيتسيا الۋ ءۇشىن ءوز ونىمدەرىن ۇسىندى. ەسكەرتە كەتەيىك, بيىل Meet the Drapers شوۋى ءوزىنىڭ تاريحىندا ال­عاش رەت ورتالىق ازيادا ءتۇسىرىلىم جاسادى.

مەكتەپ وقۋشىلارى مەن ستۋدەنتتەر رو­بوت­تەحنيكا ايماعىندا اۋىل شا­رۋا­­شىلىعى, اەروعارىش قۇرىلىسى جانە كيبەر­قاۋىپسىزدىك سالالارىنداعى ينجە­نەرلىك-تەحنيكالىق جوبالارىن ۇسىندى. ۇش­قىشسىز اپپارات ۇشىرۋ جارىسى مەن روبوتتار شايقاسىندا FIRST الەم­دىك قوزعالىسىنىڭ چەمپيوندارى جانە Drone Racing باق سىنادى. قوناقتار 190 ەل­دىڭ اراسىنان ۇزدىك دەپ تانىلعان چەم­پيون­داردىڭ جوبالارىن تاماشالادى. سون­داي-اق فورۋمدا العاش رەت «Google for Startups» ءسامميتى ءوتتى. Google for Startups اكسەلەراتسيا باعدارلاماسىنا قاتىسۋشى كومپانيانىڭ سەرىكتەس 15 ەلىنىڭ وكىلدەرى قازاقستانعا كەلىپ, ساراپتامالىق ءىس-شا­را­ وتكىزدى. بۇل كەزدەسۋ Silkway Accelerator اياسىنداعى Google for Startups پەن «Astana Hub» اراسىنداعى تابىستى ىنتىماق­تاس­تىقتىڭ ءارى قاراي دامۋىن ايقىنداي ءتۇستى. ايتا كەتەيىك, بۇل باعدارلامادان 37 ستارتاپ ءوتىپ, جالپى قۇنى 400 ملن دوللار بولىنەتىن بولدى.

«بارلىق قاتىسۋشىعا, قوناقتارعا, سپي­كەرلەرگە, اسىرەسە دەمەۋشىلەرگە قول­داۋى مەن ەكوجۇيەنى دامىتۋعا قوس­قان ەلەۋ­لى ۇلەسى ءۇشىن شەكسىز العىسى­مىز­دى بىل­دىرەمىز. بۇل فورۋم – وڭىردەگى تەحنو­لو­گيالىق كاسىپكەرلىكتى دامىتۋداعى, سون­داي-اق وتاندىق ستارتاپ مادەنيەتىن ناسي­حاتتاۋداعى جانە ەكوجۇيەگە جاڭا قاتى­سۋ­شىلاردى تابۋداعى نەگىزگى ميسسيا­مىز­دىڭ ءبىرى. ءبىز فورۋمدى ۇيىمداستىرۋعا اتسا­لىسقانداردىڭ ءبارىن ورتالىق ازيا­داعى ەڭ ءىرى IT-فورۋمىنىڭ ءساتتى وتۋىمەن قۇتتىق­تايمىز جانە يننوۆاتسيالار مەن ستارتاپتار الەمىندە جاڭا جەتىستىكتەر كۇتە­مىز», دەدى «Astana Hub» تەحنوپاركىنىڭ باسشىسى ماعجان ماديەۆ.

ەلىمىزدىڭ ينكليۋزيۆتى جانە تۇراقتى دامۋىندا جاساندى ينتەللەكتىنىڭ ماڭىزى زور. بۇل باعىتتا جاھاندىق باسەكەلەستىك باياعىدان قارقىن الىپ كەلەدى. ءبىز دە بۇل اعىسقا ىلەسىپ كەلە جاتىرمىز. وسى فورۋم وزەكتى ماسەلەلەردى تالقىلاۋدا ءتيىمدى الاڭعا اينالىپ, الەۋەتتى جوبالاردى ىسكە اسىرۋدا نەگىزگى الاڭ بولا ءبىلدى.