حالىقتىڭ جەر ۇيىنە گاز تارتۋى ءۇشىن پايىزسىز نەسيە بەرىلەدى. بۇدان بولەك, əلەۋمەتتىڭ əلجۋاز توبىنداعى قاۋىمعا ءبىر رەتتىك əلەۋمەتتىك كومەك جانە بار. مۇنى قاراعاندى قالاسىنىڭ بيۋدجەتىنەن كورسەتەدى. قۇزىرلى ورىنداردىڭ ايتۋىنشا, قاراعاندى ءتورت كەزەڭ ارقىلى تولىق گازبەن قامتىلادى دەگەن و باستا بەكىتىلگەن جوسپار بار. بۇل ءتورت كەزەڭدە 16 قوسۋ كەشەنى بار. 2021 جىلدان بەرى ءبىرىنشى جəنە ەكىنشى قوسۋ بەكەتى تولىق اياقتالىپتى. ءبىرىنشى بەكەت ارقىلى قاراعاندىنىڭ 66 كوشەسىنە گاز جەتتى. وندا 1 695 ءۇي بار. ەكىنشى بەكەتتە 55 كوشە. مۇنداعى ءۇي سانى – 2471.
«قازىرگى تاڭدا قاراعاندى بويىنشا – 2 مىڭ, ال تەمىرتاۋدا 2 200 ءۇي گاز جەلىسىنە قوسىلعان. گازدىڭ تەكشە مەترى – 40 تەڭگە. الداعى ۋاقىتتا بۇل باعا قىمباتتاماۋعا ءتيىس. جوبا اۋىسپالى بولعاندىقتان, 2035 جىلعا دەيىن جوسپارلانىپ وتىر», دەيدى ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسى ورىنباسارىنىڭ مىندەتىن اتقارۋشى ارمان ساتتىباەۆ.
«گازعا قوسىلۋ, نە قوسىلماۋ – تۇرعىنداردىڭ ەركىندە. ءبىز – سىرتقى گاز قۇبىرلارىنا جاۋاپتىمىز. كوشەنىڭ بويىمەن گازدى ۇيگە دەيىن جەتكىزۋگە كەتەتىن شىعىندى ءۇي يەسى تولەيدى. گاز جەتكىزۋدى راسىمدەۋ ءۇشىن «تۇرعىن ءۇيدى جاڭعىرتۋ ورتالىعى» ارقىلى 5 جىلعا پايىزسىز نەسيە بەرىلەدى. ءوتىنىش بەرگەننەن كەيىن «قازترانسگاز ايماق» اق-دان تەحنيكالىق شارتتار الادى. كەلىسىم مەردىگەردى تاڭداپ, ۇشجاقتى شارت جاساسۋ ارقىلى جۇرەدى», دەيدى «قازترانسگاز ايماق» اق قاراعاندى وڭىرلىك فيليالى ديرەكتورىنىڭ ءبىرىنشى ورىنباسارى اسفات ولجاباەۆ.
ساران تاسجولىنىڭ بويىنداعى كوشە تۇرعىنى قايرات ماماەۆ گازدى شىلدەدە قوسىپ العان. پايىزسىز نەسيەنىڭ كومەگىمەن.
«گازعا قوسىلعانىمىز بار جاعىنان ىڭعايلى. اۆتوماتتاندىرىلعان باقىلاۋ جۇيەسى ەنگىزىلگەن. مونيتورداعى كورسەتكىشتەردى ونلاين باقىلاۋعا بولادى. بەلگىلى ءبىر جىلىتاتىن مولشەرىن تاڭداپ, كەتە بەرەسىڭ. قازىر ۇيىمىزدەگى جىلۋ مولشەرى 25-28 گرادۋستى كورسەتىپ تۇر. كەيدە ىسىپ كەتەدى. كومىر جاققاندا ونى تاسىپ جانە ك ۇلىن توگىپ قينالاتىنبىز. ونىڭ ۇستىنە كومىردىڭ شىعىنى كوپ, باعاسى قىمبات», دەيدى ق.ماماەۆ.
قاراعاندىنى گازداندىرۋدىڭ ءبىرىنشى كەزەڭى 2019-2023 جىلدارعا جوسپارلانعان. بۇل كەزەڭدە ساران تاسجولىنىڭ بويىنداعى كوشەلەردەن باستاپ, كريۆوگۋز, قازاقستان, س.سەيفۋللين, بادين كوشەلەرىنە گاز قۇبىرلارى تارتىلدى. سونداي-اق گاز تەمىرجول جەلىسى بويىنداعى كوشەلەرمەن بۇقار جىراۋ داڭعىلىنىڭ بويىنا, ودان كەيىن جاڭا قالانىڭ ىشكى كۆارتالدارىنا, فەدوروۆكا مەن ۇلكەن ميحايلوۆكا اتانعان شاعىن اۋداندارىنداعى تۇرعىن ۇيلەرگە جەتتى.
ال بيىل قالانىڭ وڭتۇستىك-شىعىس بولىگىندەگى جەكە سەكتورداعى ۇيلەرگە, سونداي-اق كۇنگەي شاعىن اۋدانىنا گاز جەتەدى. ەكىنشى كەزەڭدە ءتورت ىسكە قوسۋ كەشەنىن سالۋ جوسپارلانىپ وتىر. بۇل كەزەڭدە قالانىڭ جاڭاوزەن اۋىلى, قاراعاندىنىڭ فين, پريشاحتينسك, ەسكى تيحونوۆكا بولىكتەرى گازبەن قامتىلماق. ءۇشىنشى كەزەڭدەگى ەكى ىسكە قوسۋ كەشەنى 2024-2025 جىلدارعا جوسپارلانعان. ول كەزەڭدە كۋريانوۆسكي اۋىلىنان باستاپ, مايقۇدىقتىڭ 19 شاعىن اۋدانى قامتىلماق. ەكىنشى ىسكە قوسۋ كەشەنى مايقۇدىقتىڭ بەرلين, ساحالين, شاحتەرلەر شاعىن اۋداندارىنا گاز جەتكىزەدى. كەيىنگى كەزەڭدە تسەمەنت زاۋىتى, سۇرىپتاۋ ستانسالارىنا كوگىلدىر وتىن بارادى.
اتاپ ايتا كەتۋ كەرەك, جەرگىلىكتى بيلىك, ياعني قاراعاندى قالاسى əكىمدىگى تاراپىنان تۇرعىنداردىڭ جەكەلەگەن ساناتتارىنا ۇيلەرىن گازداندىرۋعا بىرجولعى əلەۋمەتتىك كومەك كورسەتىلەدى. مۇنداي əلەۋمەتتىك كومەك جاسى بويىنشا زەينەتكەرلەرگە, مۇگەدەكتىگى بار ادامدار جəنە مۇگەدەك بالالارى بار, ولاردى تəربيەلەپ وتىرعان وتباسىلارعا, كوپبالالى انالار مەن كوپبالالى وتباسىلارعا, باسقا مەملەكەتتەر اۋماعىندا جاۋىنگەرلىك əرەكەتتەرگە قاتىسقان ارداگەرلەرگە, جەتىم بالالار مەن اتا-اناسىنىڭ قامقورلىعىنسىز قالعان, گازداندىرۋعا جاتاتىن جەكە ۇيلەردە تۇراتىن بالالاردىڭ قامقورشىلارىنا جاسالادى. Əلەۋمەتتىك كومەكتىڭ كولەمى گاز جابدىعىن جەتكىزۋگە جəنە ورناتۋعا بايلانىستى ناقتى شىعىندارعا سۇيەنىپ, انىقتالادى.
بىلتىر 8 ملن تەڭگەدەن اسا سوماعا 28 وتباسىنا كومەكتەسسە, بۇل جارتىجىلدىقتا 35 وتباسى العان. وعان 12 ملن تەڭگەدەن اسا قاراجات جۇمسالىپتى. Əلەۋمەتتىك كومەك الۋ ءۇشىن قاراعاندى قالاسىنىڭ جۇمىسپەن قامتۋ جəنە əلەۋمەتتىك باعدارلامالار بولىمىنە ءوتىنىش تاستاۋعا ءتيىس.
قاراعاندى وبلىسى
