مامانداردىڭ ايتۋىنشا, تامىز ايى مەن قىركۇيەكتىڭ ورتاسىنا دەيىن توپىراققا 170 مم ىلعال سىڭگەن. جاۋىن-شاشىننىڭ مول بولعانى سونشالىق, ءتىپتى كەي كۇندەرى ىلعال مولشەرى ادەتتەگىدەن 7-8 ەسە اسىپ تۇسكەن. تابيعاتتىڭ مۇنداي توسىن قۇبىلىسىمەن ديقاندار سوڭعى 36 جىلدان كەيىن عانا بەتپە-بەت كەلىپ وتىر.
جەرگىلىكتى شارۋالاردىڭ كوبى بيىل ارپاسى مەن س ۇلىسىن كۇزدىڭ قارا جاڭبىرى باستالماي جاتىپ ەرتە جيناپ العان. قازىر سول القاپتاردا توپىراققا تۇسكەن ءدان ءونىپ, كوكتەپ, كوتەرىلىپ, كوكتەمدە ەككەن ەگىستىكتەن دە جاقسى جايقالىپ تۇر. مىسالى, ناۋىرزىم وڭىرىندەگى شارۋاشىلىقتىڭ سۇلىسى ءدال وسىلاي بويلاپ ءوسىپ كەتىپتى. «بىراق بۇل س ۇلى ءپىسىپ ۇلگەرمەيدى. ءدال وسى قالپىندا ورىپ الۋعا دا, مال جايۋعا دا بولادى. بىراق قازىر قاربالاس ناۋقان ءجۇرىپ جاتىر. مويىن بۇرۋعا ۋاقىت جوق. بار كۇش-قۋاتىمىزدى القاپتا قالعان بيدايىمىزدى جيناپ الۋعا جۇمساپ جاتىرمىز», دەيدى شارۋاشىلىق باسشىسى.
وسىلايشا, بيىلعى كۇز ەگىنگە قولايسىز بولعانىمەن, ءتورت تۇلىككە جايلى بولىپ تۇر. ءتىپتى وسىدان ءبىر جارىم-ەكى اي بۇرىن شابىلعان شابىندىقتار دا قايتا كوكتەپ جاتىر. قىسقى ءشوبىن قامداپ العان سوڭ, شارۋالاردىڭ ءبىرازى ادەتتە شابىندىعىن ماڭايىنداعى قاراپايىم حالىقتىڭ مالىنا بوساتىپ بەرەدى. قازىر قولداعى مالدىڭ دەنى وسى كوك مايسا شابىندىقتاردا جاتىر. «كادىمگى كوكتەم سياقتى. بۇل ەندى شابىلمايدى عوي. دەگەنمەن, مۇنداي وتقا جايىلعان مال قىسقا قوڭدى كىرەدى. جاڭبىر جاۋىپ, اياعى ايازعا ۇلاسىپ, مۇز بولىپ قاتىپ قالماسا, بۇل ءشوپ قىستا جىلقىنىڭ تەبىنىنە دە جاقسى بولادى», دەيدى مالساق اعايىن.
قوستاناي وبلىسى
