ءسان كورسەتىلىمىندە ساق-ماسساگەتتەردىڭ اتى اڭىزعا اينالعان پاتشايىمى, سالقار ساحارا جاۋىنگەر قىزى ءتوميريستىڭ وبرازى ۇلىقتالدى.
- «Bozjyra Fashion Week» كورسەتىلىمى ارقىلى تاريحتا وشپەس ءىز قالدىرعان تۇركى الەمىنىڭ ناعىز باتىرلارى تۋرالى ايتقىمىز كەلەدى. بۇل باتىرلار بۇكىل حالىقتى دوستىقپەن, بوستاندىق رۋحىمەن, ءبىر-بىرىنە جانە تۇركى مۇراسىنا ماحابباتپەن بىرىكتىرە بىلگەن امازونكالار, - دەدى ۇيىمداستىرۋشى لۋرەنا دوسكەەۆا.
ۇيىمداستىرۋشىلاردىڭ ايتۋىنشا, «Bozjyra Fashion Week» ءسان اپتالىعىنىڭ تاعى ءبىر نەگىزگى ماقساتى - ءوز ءىسىن جاڭادان باستاپ جاتقان تالانتتى ديزاينەرلەرگە قولداۋ كورسەتۋ.
«اقتاۋ قالاسىندا مۇنداي اپتالىق اۋقىمدى ماسشتابتا العاش رەت ءوتتى. بۇل بولاشاقتا الەمدەگى ەتنيكالىق سانگە اسەر ەتەتىن تۇتاس قاۋىمداستىق قۇرا الاتىن تۇركى الەمىنىڭ برەندتەرى مەن ديزاينەرلەرىنىڭ بىرەگەي كوللابوراتسياسىن قۇرۋدىڭ تاماشا مۇمكىندىگى. ءبىز كۇش بىرىكتىرەتىن شىعارماشىلىق برەندتەر ءۇشىن كەرەمەت كرەاتيۆتى قۇرۋعا مۇددەلىمىز», دەيدى PR-مامان ءجاميلا حانگەلدينا.
سونىمەن قاتار وتاندىق زەرگەرلىك بۇيىمدار برەندى Dimash Silver ەركىندىك پەن كوركەمدىك يدەياسىنان شابىت العان جاڭا «Dimash Dubai Diamond» پرەميۋم توپتاماسىن العاش رەت كورسەتتى.
