فوتو: gov.kz
قازاقستان تجم ءباسپاسوز قىزمەتىنىڭ مالىمەتىنشە, تجم ازاماتتىق قورعانىس جانە اسكەري بولىمدەرى كوميتەتى توراعاسىنىڭ مىندەتىن اتقارۋشى گەنەرال-مايور ۇلاربەك ابىكەەۆتىڭ باسشىلىعىمەن قويىلعان مىندەتتەردى ابىرويمەن ورىنداعان قازاقستان قۇتقارۋشىلار جاساعىنداعى بارلىق 45 ادامنىڭ ىشىندە تجم رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى, كينولوگيالىق ەسەپتوپتارى, اپاتتار مەديتسيناسى ورتالىعىنىڭ دارىگەرلەرى – فەلدشەرلەرى بولدى.
جەر سىلكىنىسى ايماعىنان ورالعان قۇتقارۋشىلاردى اۋەجايدا ارىپتەستەرى, تۋىستارى, جاقىندارى قارسى الدى. سونىمەن قاتار قۇتقارۋشىلاردى كەزەكتى رەت قارسى العان «Lider.kz» قوزعالىسىنىڭ ۆولونتەرلەرى قۇتقارۋشى يتتەر چارلي, ەۆرو, دجەيكوبقا مەدالدار دايىنداعان ەكەن.
گۋمانيتارلىق ميسسياعا قاتىسۋشىلاردى قازاقستاننىڭ تج ۆيتسە-ءمينيسترى گەنەرال-مايور ەرلان نۇرپەيىسوۆ قۇتتىقتاپ, بۇنداي ىستەردەن ءبىزدىڭ ماماندار كاسىبي بىلىكتىلىكتەرىن ارتتىراتىنىن جانە ءتۇرلى جاعدايدا جۇمىس ىستەۋ داعدىسىن جەتىلدىرەتىنىن اتاپ ءوتتى.
اۋعانستانداعى ىزدەستىرۋ-قۇتقارۋ جۇمىستارىن جۇرگىزۋ بارىسىندا قازاقستان تجم قۇتقارۋشىلارى 83 جەرگىلىكتى تۇرعىنعا مەديتسينالىق كومەك كورسەتىپ, 211 ءۇي فراگمەنتىنىڭ ءۇيىندىسىن بولشەكتەگەن, نايبروفي ەلدى مەكەنىندە 700 قيراعان ۇيلەردىڭ ۋچاسكەلەرىن تەكسەرگەن. قۇتقارۋشىلار قايتىس بولعان 1 بالانىڭ دەنەسىن تاۋىپ, الىپ شىققان.
قاتتى شاڭدى داۋىلدان زارداپ شەككەن 9 شاتىرلى قالاشىقتىڭ ورنالاسۋ ورىندارىندا تەكسەرۋ جۇرگىزگەن قازاقستان قۇتقارۋشىلارى سياحان ەلدى مەكەنىندە تولىعىمەن قيراعان ۇيلەردىڭ استىن دا تەكسەرىپ, چولك ەلدى مەكەنىندە ۇيىندىلەردى بولشەكتەۋ جۇمىستارىن جۇرگىزدى.
اۋعانستان بيلىگى جويقىن جەر سىلكىنىسى سالدارىن جويۋعا كومەك كورسەتكەنى ءۇشىن ەلگە ورالار الدىندا قازاقستان قۇتقارۋشىلارىنا العىس ءبىلدىردى.
