قاراعاندى وبلىسىنىڭ مادەنيەت, ارحيۆتەر جانە قۇجاتتاما باسقارماسى ۇيىمداستىرعان فەستيۆالگە قر پارلامەنتىنىڭ دەپۋتاتتارى, مادەنيەت كوميتەتىنىڭ وكىلدەرى, قاراعاندى وبلىسى اكىمدىگىنىڭ اپپاراتى, قاراعاندى وبلىسى باسقارمالارىنىڭ باسشىلارى, قر مۋزەيلەرىنىڭ باسشىلارى مەن ماماندارى, ە.بوكەتوۆ اتىنداعى قارمۇۋ عالىمدارى, كورنەكتى قوعام قايراتكەرلەرى, باق وكىلدەرى قاتىستى.
تالدى تاريحي-ارحەولوگيالىق پاركىنىڭ تاريحي-ارحەولوگيالىق ەسكەرتكىشتەرىنىڭ بىرەگەيلىگىن الەمدىك جانە وتاندىق قوعامداستىققا كورسەتۋ, بۇكىل قازاقستاننىڭ تاريحي-مادەني مۇراسىن تانىمال ەتۋدە سۇرانىسقا يە تۋريستىك ءونىم رەتىندە دامۋىنا ىقپال ەتۋ فەستيۆالدىڭ باستى ماقساتتارىنىڭ ءبىرى بولدى.
فەستيۆال اياسىندا قولا بالقىتۋ, قىش قۇمىرا جاساۋ, ۇلتتىق كيىم تۇرلەرىن تىگۋ سياقتى ءتۇرلى باعىتتار بويىنشا شەبەرلىك ساباقتارى ءوتتى.
فەستيۆال باعدارلاماسىنا سايكەس وبلىستىڭ شىعارماشىلىق ۇجىمدارىنىڭ قاتىسۋىمەن تەاترلاندىرىلعان قويىلىم مەن كونتسەرتتىك باعدارلاما جانە ساداق اتۋدان جارىس ۇيىمداستىرىلدى. ۇمىت بولعان قازاقتىڭ ۇلتتىق تاعامدارى ۇسىنىلعان كورمە, سونداي-اق قازاقتىڭ تازىلارى مەن جىرتقىش قۇستاردىڭ كورمەسى ءوتتى.
فەستيۆالگە قاتىسۋشىلار مەن قوناقتار ءۇشىن تالدى پاركىندە ورنالاسقان ارحەولوگيالىق ەسكەرتكىشتەر بويىنشا ەكسكۋرسيالار ۇيىمداستىرىلدى. ءىس-شارا سوڭىندا لازەرلىك شوۋ كورسەتىلدى.
