فوتو: تجم
اۋعانستاندا جۇرگەن قازاقستان قۇتقارۋشىلارى جويقىن جەر سىلكىنىسىنىڭ سالدارىن جويۋ جۇمىستارىن جالعاستىرىپ جاتىر. ولار نايبروفي ەلدى مەكەنىندە 211 ءۇي فراگمەنتىنىڭ ءۇيىندىسىن بولشەكتەدى. ء«بىر قاتارمەن» ءادىسى بويىنشا قۇتقارۋشىلار 487 ۋچاسكەنى جاياۋ ءجۇرىپ ءوتتى. وسى ەلدى مەكەندە 700 قيراعان ءۇيدىڭ ۋچاسكەسى تەكسەرىلدى.
«تولىعىمەن قيراعان تۇرعىن ءۇيدىڭ بىرەۋىن بولشەكتەۋ بارىسىندا قۇتقارۋشىلار قايتىس بولعان 5-6 جاستاعى بالانىڭ دەنەسىن تاۋىپ الىپ شىقتى», دەلىنگەن تجم حابارلاماسىندا.
قازاقستان قۇتقارۋشىلارى اۋعان تاراپىنىڭ وكىلدەرىمەن بىرگە نايبروفيدەن 10 كم قاشىقتىقتا ورنالاسقان سياحان ەلدى مەكەنىندە تولىعىمەن قيراعان ۇيلەردىڭ استىن تەكسەردى. چولك ەلدى مەكەنىندە دە ۇيىندىلەردى بولشەكتەۋ جۇمىستارى جۇرگىزىلدى. زارداپ شەككەندەر تابىلعان جوق.
قازاقستاندىق قۇتقارۋشىلار 80 جەرگىلىكتى تۇرعىنعا, ونىڭ ىشىندە 11 بالاعا مەديتسينالىق كومەك كورسەتتى. قاتتى افتەرشوك فاكتىلەرىنىڭ جيىلەۋىنە جانە بولىنگەن ۋچاسكەدەگى جۇمىستاردىڭ اياقتالۋىنا بايلانىستى قازاقستان تجم جاساعى گەرات قالاسىنا جولعا شىقتى.
ەسكە سالايىق, 10 قازاندا قازاقستاننىڭ 45 قۇتقارۋشىسى اۋعانستانعا كومەك كورسەتۋ ءۇشىن كەتكەن بولاتىن.
