ەسكە سالا كەتسەك, وتكەن جىلدىڭ جەلتوقسان ايىندا الماتىداعى كاراوكە-بارلاردىڭ بىرىندە قوناقتار مەن مەكەمە قىزمەتكەرلەرى توبەلەسكەن ەدى.
سوت وتىرىسى بارىسىندا وقيعاعا قاتىستى جاڭا دەرەكتەر دە انىقتالدى. سول كۇنى مەكەمەنىڭ كۇزەتشىلەرى مەن دي-دجەيى, سونداي-اق باردا بولعان ولاردىڭ تانىستارى جابىرلەنۋشىلەردى ۇرا باستاعان, ولار قاشۋعا ءماجبۇر بولعان. الايدا جاۋاپكەرشىلىككە تارتىلعاندار ولاردى كوشەدە قۋىپ جەتىپ, توبەلەستى ءارى قاراي جالعاستىرعان.
«وقيعا ورنىندا بەس جابىرلەنۋشىنىڭ ەكەۋىنە اۋىر جانە ورتاشا دەڭگەيدە دەنساۋلىعىنا زيان كەلتىرىلگەن. توبەلەس كەزىندە سوتتالۋشىنىڭ ءبىرى سۋىق قارۋ قولدانۋعا تىرىسقان», دەپ حابارلادى سوتتىڭ ءباسپاسوز قىزمەتى.
ايتا كەتسەك, وتاندىق اكتەر اسقار جۇمابەك بۇعان دەيىن دە ادام ۇرىپ-سوققانى ءۇشىن قىلمىستىق جاۋاپكەرشىلىككە تارتىلعان.
«سوتتالۋشىلاردىڭ كىناسى كۋاگەرلەر مەن جابىرلەنۋشىلەردىڭ ايعاقتارى, سوت ساراپتاماسى قورىتىندىسى, بەينەباقىلاۋ كامەراسىنا ءتۇسىپ قالعان بەينەجازبالار ارقىلى راستالدى», دەلىنگەن حابارلامادا.
الايدا سوتتالۋشىلار ءوز كىناسىن مويىنداۋدان باس تارتتى.
پروكۋرور ولاردى 6 جىل مەرزىمگە باس بوستاندىعىنان ايىرۋدى سۇرادى.
سوت ۇكىمىمەن ج., ق., ت., س., ر., ن. جانە ك. قىلمىستىق كودەكستىڭ 293, 106 جانە 107 باپتارى بويىنشا كىنالى دەپ تانىلدى.
بارىنە 6 جانە 6,5 جىلعا باس بوستاندىعىنان ايىرۋ جازاسى تاعايىندالدى.
اسقار جۇمابەكتى باس بوستاندىعىنان ايىرۋ تۇرىندەگى جازا 6 جىل 6 اي 15 كۇن مەرزىمگە تاعايىندالدى. وعان قوسا سوتتىڭ الدىڭعى ۇكىمى بويىنشا وتەلمەگەن مەرزىمىنە بايلانىستى وعان تاعى 15 كۇن قوسىلدى.
