فوتو: اشىق دەرەككوز
«eGov.kz پورتالىنداعى جاڭا قىزمەتتى ىسكە قوسۋ ءۇشىن قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, قازاقستان رەسپۋبليكاسىنىڭ ەنەرگەتيكا مينيسترلىگى, «قازترانسگاز ايماق» اق جانە «ۇلتتىق اقپاراتتىق تەحنولوگيالار» اق بىرلەسىپ جۇمىس اتقاردى», دەپ جازىلعان حابارلامادا.
بۇدان بىلاي, جەكە تۇلعالار ءوز ۇيلەرىنەن شىقپاي-اق ەلەكتروندى تسيفرلىق قولتاڭبانى (ەتسق) قولدانىپ, eGov.kz پورتالى ارقىلى گازداندىرۋ ءۇشىن تەحنيكالىق شارتتاردى الۋعا ءوتىنىم بەرە الادى. تەحنيكالىق شارتتاردى قاراۋ جانە بەرۋ پروتسەسىنە تەحنيكالىق كۇردەلى ەمەس وبەكتىلەر ءۇشىن 5 جۇمىس كۇنى جانە تەحنيكالىق كۇردەلى وبەكتىلەر ءۇشىن 10 جۇمىس كۇنى كەتەدى.
تۇرعىن ۇيلەر مەن وبەكتىلەردى گازداندىرۋ ءۇشىن eGov.kz پورتالىنان تەحنيكالىق جاعدايلار الۋ ءۇشىن ازاماتتار بىرنەشە قاراپايىم قادامداردان ءوتۋى كەرەك:
- eGov.kz پورتالىندا اۆتوريزاتسيالانۋ;
- بايلانىس تەلەفونى مەن ەلەكتروندىق پوشتا مەكەنجايىن كورسەتۋ;
- تۇرۋ مەكەنجايىن تاڭداۋ;
- گازداندىرۋ وبەكتىسىنىڭ مەكەنجايىن تاڭداۋ;
- تەحنيكالىق تولقۇجات سكانەرىن قوسۋ;
- گازداندىرۋ وبەكتىسى بويىنشا دەرەكتەردى كورسەتۋ;
- ەتسق-مەن وتىنىمگە قول قويۋ;
- تەحنيكالىق شارتتاردىڭ بەرىلەتىنى نەمەسە بەرىلمەيتىنى تۋرالى «قازترانسگاز ايماق» اق-دان جاۋابىن كۇتۋ.
بۇل جاڭا قىزمەت ازاماتتاردىڭ ۋاقىتىن ۇنەمدەيدى, بۇرىنعىداي كەڭسەلەرگە بارۋ مەن قاعاز قۇجاتتارىن تولتىرۋدىڭ قاجەتى بولمايدى. ونلاين-سەرۆيس سونداي-اق قازاقستان رەسپۋبليكاسىنىڭ اۋماعىندا تۇرعىن ۇيلەر مەن وبەكتىلەردى گازداندىرۋدىڭ قولجەتىمدىلىگىن جاقسارتۋعا ىقپال ەتەدى.
