فوتو: aqorda_resmi
«كەيىنگى بەس جىلدا بۇل فورۋم IT يندۋسترياسىنىڭ سوڭعى ۇردىستەرى مەن دامۋ پەرسپەكتيۆالارىن تالقىلاۋعا ارنالعان ورتالىق ازياداعى ەڭ ءىرى الاڭعا اينالدى. بيىل Digital Bridge فورۋمىنا 20 مىڭنان استام ادام جينالدى. ونىڭ ىشىندە 300-دەن استام IT كومپانيانىڭ وكىلدەرى جانە 30 ەلدەن كەلگەن دەلەگاتسيا بار. ادەتتەگىدەي فورۋمعا قىزىعۋشىلىق جوعارى. بۇل قازاقستاننىڭ ەۋرازيا كەڭىستىگىندە جەتەكشى ءارى ماڭىزدى تسيفرلىق جانە قارجىلىق تەحنولوگيا حابى ەكەنىن تاعى دا ناقتىلاي تۇسەدى», دەگەن پرەزيدەنت بۇل فورۋمنىڭ ماڭىزى زور ەكەنىن ايتتى.
«جاساندى ينتەللەكت بۇدان بىلاي عىلىمي فانتاستيكا ەمەس, ءومىردىڭ اقيقاتىنا اينالدى. جاڭا ءداۋىردىڭ باستالعانىنا كۋا بولىپ وتىرمىز. كەزىندە ەلەكتر جارىعى مەن ينتەرنەتتى ويلاپ تابۋ تىرشىلىگىمىزدى قالاي تۇبەگەيلى وزگەرتسە, جاساندى ينتەللەكتى تەحنولوگياسىنىڭ ىقپالى دا ءدال سونداي وراسان زور. ول ادامزاتتىڭ تۇرمىس سالتىن مۇلدەم باسقا ارناعا بۇرىپ, جۇمىس پروتسەستەرىن اۆتوماتتاندىرادى جانە اۋقىمدى ەكونوميكالىق قۇندىلىق قالىپتاستىرا الادى. كەيبىر ساراپشىلاردىڭ باعالاۋىنشا, جاساندى ينتەللەكتىنىڭ جاھاندىق ەكونوميكاعا قوساتىن ەلەۋلى ۇلەسى – دۇنيەجۇزىلىك ءىجو-ءنىڭ تورتتەن ءبىر بولىگىنە پارا-پار», دەدى ق.توقاەۆ.
پرەزيدەنت تەحنولوگيانىڭ ەلىمىزدە قولدانىلۋى قارقىندى دامۋعا سەرپىن بەرەتىنىن جەتكىزدى. سونىمەن بىرگە جاساندى ينتەللەكتىنى دامىتۋدىڭ بارلىق تەتىكتەرىن قاراستىرۋ قاجەتتىگىن دە تاپسىردى.
