جابىرلەنۋشىلەردىڭ ايتۋىنشا, بەيمالىم ازامات ناۋرىز-شىلدە ايى ارالىعىندا اقشالاي سىياقى بەرگەندەرگە مەملەكەتتىك باعدارلاما بويىنشا پاتەر ساتىپ الۋعا كومەكتەسۋگە ۋادە بەرگەن. الايدا قارجىنى قالتاعا باسقان ول تۇرعىنداردى تاقىرعا وتىرعىزعان.
ازاماتتار كۇدىكتىگە ەڭ از دەگەندە 800 مىڭ تەڭگە ۇسىنسا, كەيبىر تۇرعىندار ءۇش ميلليون تەڭگەنى ويلانباي ساناپ بەرگەن. جالپى شىعىن كولەمى شامامەن 15 ميلليون تەڭگەنى قۇرايدى.
«وسى دەرەككە قاتىستى قر قك-ءنىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەۋ امالدارى باستالدى.
پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە وسى ساناتتاعى قىلمىسى ءۇشىن بۇرىن سوتتى بولعان تارازدىق 43 جاستاعى ايەل ازاماتشانى ۇستادى.
كۇدىكتى ءوز كىناسىن تولىق مويىندادى, قازىرگى ۋاقىتتا ۋاقىتشا ۇستاۋ يزولياتورىنا قاماققا الىندى. سونداي-اق, ءوڭىر اۋماعىندا وسىنداي قىلمىستارعا قاتىستىلىعى انىقتالاتىن بولادى», دەلىنگەن وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان اقپاراتتا.
