فوتو: primeminister.kz
نۇرلان بايبازاروۆ مەملەكەتتىك قىزمەتتە دە, كۆازيمەملەكەتتىك سەكتوردا دا جاۋاپتى قىزمەتتەر اتقارعان. اتاپ ايتقاندا, قارجى جانە ۇلتتىق ەكونوميكا مينيسترلىكتەرىندە, «قازاقستان تەمىر جولى» جانە «قازمۇنايگاز» ۇلتتىق كومپانيالارىندا, ونەركاسىپتى دامىتۋ قورىندا جۇمىس ىستەدى. بىلتىر قاراشا ايىنان باستاپ ول قازاقستان دامۋ بانكىندە باسقارما توراعاسى بولدى.
ءاليحان سمايىلوۆ مەملەكەت باسشىسى حالىققا جولداۋىندا «بايتەرەك» حولدينگىنىڭ قىزمەتىن ترانسفورماتسيالاۋ جانە اۋقىمدى تسيفرلاندىرۋ بويىنشا مىندەت قويعانىن ەسكە سالدى.«ناتيجەسىندە بيۋروكراتيالىق كەدەرگىلەر جويىلىپ, وتىنىمدەردى قاراۋ مەرزىمى قىسقارىپ, بيزنەس قاۋىمداستىعىنىڭ قولداۋ شارالارى تۋرالى حاباردار بولۋ دەڭگەيى ارتۋى قاجەت. جاڭا باسشى الداعى جوسپارلاردىڭ ورىندالۋىن قامتاماسىز ەتۋى ءتيىس», دەدى پرەمەر-مينيستر.
سونىمەن قاتار ول «بايتەرەك» باسەكەگە قابىلەتتى بيزنەستى دامىتۋ, حالىقتى قولجەتىمدى باسپانامەن قامتاماسىز ەتۋ جانە رەسپۋبليكانىڭ ازىق-ت ۇلىك قاۋىپسىزدىگىن نىعايتۋ بويىنشا جۇمىستاردى كۇشەيتۋى قاجەت دەپ اتاپ ءوتتى.
قورىتىندىلاي كەلە, پرەمەر-مينيستر حولدينگ ۇجىمىنا جۇكتەلگەن بارلىق مىندەتتەردى شەشۋدە تابىستى جۇمىس تىلەدى.
