بريفينگتە «استانا قالاسىنىڭ قوعامدىق دەنساۋلىق ساقتاۋ باسقارماسى» مم باسشىسىنىڭ ورىنباسارى گۇلناز دوسمىرزاەۆا مەن ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىقتىڭ قوعاممەن بايلانىس مامانى جانىبەك زەينەل ۇلى قازاقستانداعى دونورلىق پەن ترانسپلانتاتسيانىڭ دامۋ ەرەكشەلىكتەرى, جالپى ەلىمىزدە ونىڭ ىشىندە استانا قالاسى بويىنشا ترانسپلانتاتسيانى كۇتىپ جۇرگەن ناۋقاستاردىڭ سانى, سونداي-اق اشىق ەسىك كۇنىنىڭ ماقسات-مىندەتتەرى تۋرالى باياندادى.
اعزانى ترانسپلانتاتسيالاۋ – ماڭىزدى مەديتسينالىق جەتىستىك, بىراق دونورلىق ورگاندارعا سۇرانىس ۇسىنىستان اسىپ تۇسەدى.
مالىمەتتەرگە سايكەس, 2022 جىلى تەك 4 مايىتتىك دونور 16 ادامنىڭ ءومىرىن ساقتاپ قالعان, ال 2023 جىلى 4 مايىتتىك دونور 9 ادامنىڭ ءومىرىن جالعاستىرۋعا ءۇمىت سىيلاعان.
بيىلعى 10 قىركۇيەكتەگى كورسەتكىش بويىنشا, «كۇتۋ پاراعى» تىزىمىندە 3 953 ناۋقاس بار, ونىڭ ىشىندە بۇيرەك, باۋىر, وكپە, جۇرەك جانە «جۇرەك-وكپە» كەشەنىنە ءزارۋ ادامدار بار.
ەۋروپالىق اعزا دونورى كۇنى اياسىندا ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىق ۇلتتىق عىلىمي ونكولوگيالىق ورتالىقپەن بىرلەسە وتىرىپ, بيىل 7 قازان كۇنى ساعات 9:00-دەن 13:00-گە دەيىن كەرەي-جانىبەك حاندار 3 مەكەنجايى بويىنشا اشىق ەسىك كۇنى شاراسىن وتكىزەدى. ازاماتتاردى قابىلداۋدى بىلىكتى ونكولوگ-دارىگەرلەر, حيرۋرگتار, ترانسپلانتولوگتارى جۇرگىزەدى.
ترانسپلانتتاۋدى جانە جوعارى تەحنولوگيالىق مەديتسينالىق قىزمەتتى ۇيلەستىرۋ جونىندەگى رەسپۋبليكالىق ورتالىقتىڭ ترانسپلانتاتسيا ۇيلەستىرۋشىسى قايتىس بولعاننان كەيىن ورگانداردىڭ دونورلىعىنا نيەت ءبىلدىرۋ تۋرالى, كۇتۋ پاراعىن قۇرۋ جانە جۇرگىزۋ ماسەلەلەرى بويىنشا, سونداي-اق تۋىستىق اعزا دونورلىعى ماسەلەلەرى بويىنشا كەڭەستەر بەرەدى.
ۋچاسكەلىك دارىگەردىڭ جولداماسى تالاپ ەتىلمەيدى. كەلۋشىنىڭ وزىمەن بىرگە جەكە كۋالىگى مەن مەديتسينالىق قۇجاتتارى (زەرتحانالىق زەرتتەۋلەردىڭ بۇرىن الىنعان ناتيجەلەرى, اسپاپتىق/ساۋلەلىك دياگنوستيكانىڭ قورىتىندىسى, ءۇزىندى كوشىرمەلەر جانە ت.ب.) بولعانى ءجون.
كونسۋلتاتسياعا جازىلۋ ءۇشىن مىنا نومىرگە حابارلاسىڭىز: +7 7172 702 911, 702 900.
ەۋروپالىق اعزا دونورىنىڭ كۇنىنە وراي قازاقستاندا بيىل 9 قازاندا دونور كۇنى اتاپ وتىلەدى.
