ۋران مەن مۇناي اكتسياسىنا سۇرانىس ارتىپ كەلەدى

وعان سەبەپ, وتكەن ايدىڭ باسىنان بەرى ۋران وندىرۋشىلەر – 33%-عا, ال مۇناي ءوندىرۋشى كوم­پا­­نيالاردىڭ اكتسيالارى – 8%-عا­ رەكوردتىق دەڭگەيدە وسكەن.

ۇسىنىلعان اقپارات كوزدەرىنە قاراعاندا, شەتەل ۆاليۋتاسىنا دەگەن سۇرانىس ۇسىنىستان تاعى دا اسىپ ءتۇسىپ, USD/KZT باعامىنىڭ ايتار­لىقتاي وسۋىنە اكەلگەن. ساۋدا-ساتتىق ناتيجەسىندە ورتاشا سارا­لانعان باعامى ءبىر دول­لارعا 477,05 تەڭگەگە (+3,06 تەڭگە) دەيىن كوتەرىلىپ, ساۋدا كولەمى 173,1 ملن دوللاردى (+50,5 ملن) قۇرا­عان. شەتەل ۆاليۋتاسىن ساتىپ الۋ ىشكى فاكتورلاردىڭ اسەرىنەن ماسە­لەن,يمپورت ءۇشىن تولەم, سىرتقى مىندەتتەمەلەرگە قىزمەت كور­سەتۋ, ايىرباس باعامىنداعى كۇتۋ­لەردى قايتا قاراۋ, سونىمەن قاتار مۇناي باعاسىنىڭ تومەندەۋى, ينۆەس­تور­لاردىڭ تاۋەكەلدەن باس تارتۋى مەن جاھاندىق دوللار يندەكسىنىڭ نىعايۋىنان بولعانعا ۇقسايدى.

اقشا نارىعىنىڭ يندي­كاتيۆتىك باعام­دارى ءبىرشاما وزگەرىپ,TONIA 17,06-دان 17,13%-عا دەيىن وسسە, SWAP 12,28-دەن 12,22%-عا دەيىن تومەن­دەگەن. ساۋدا كولەمى جىل باس­ى­نان بەرى ورتاشا ماننەن (817 ملرد) ايتارلىقتاي جوعارى بولىپ, 1,4 ترلن تەڭگەنى (35 ملرد تەڭگە) قۇرا­دى.

 ۇلتتىق بانك ۇسىنعان اپتا سايىنعى دەپوزيتتەرگە قاراعاندا نارىقتىق سۇرانىس تومەن بولىپ (92 ملرد تەڭگە), 16,5% جىلدىق بازالىق مولشەرلەمە كىرىستىلىكپەن تولىق قاناعاتتاندىرىلعان. وسىعان وراي, اشىق پوزيتسيا باس بانكتىڭ نارىق الدىنداعى تازا قارىزى 4,3 ترلن تەڭگە جاقىنداپتى.

قور نارىعى بويىنشا KASE يندەكسى 4 053,5 تارماقتى (+0,75%) قۇراپ, ەڭ جوعارى دەڭگەيدە قالىپ­تاستى. «قازاتومونەركاسىپ» (+3,9%) پەن قمگ (+2,1%) ۇلەسى شيكىزات نارىعىنداعى ءوسىمنىڭ نەگىزگى درايۆەرىن قۇرادى دەۋگە بولادى.

الەمدىك نارىقتا اقش-تىڭ نەگىزگى قور يندەكسى فەدەرالدى­ ۇكىمەتتىڭ تاعى دا جابىلۋ ىقتي­مال­دىلىعىنىڭ ارتۋى مەن ءالسىز ماكروستاتيستيكا اياسىندا 1,1-1,6%-عا قۇلدىراعانىن كورسەتىپ وتىر. جاريالانعان ماكروستاتيس­تي­كا تۇتىنۋشىلاردىڭ سەنىم يندەكسى بويىنشا قىركۇيەك ايىندا بۇرىنعى 108,7 تارماقتان 103 تارماققا دەيىن تومەندەگەن.

Brent مۇنايىنىڭ باعا بەلگى­لەۋلەرى ساۋدانى قۇلدىراۋمەن (0,92%) اياقتاپ, باررەلىنە 92,4 دوللاردى قۇرادى. نارىقتىڭ ءوسۋ ۇردىسىندەگى ءۇزىلىس الەمدەگى ەكونوميكالىق جاعدايدىڭ ناشارلاۋىمەن سۇرانىستىڭ تومەندەۋىنە, سونداي-اق COVID-19 سالدارىنان بولعاندىعىن ايتادى.

ساۋدا ناتيجەسى USD/RUB جۇبىنىڭ باعامى ءبىر دوللار ءۇشىن 96,38 رۋبلگە دەيىن وسكەن (+0,15%). مۇنداي ديناميكا­ قىركۇيەك ايىنداعى سالىق كەزەڭىنىڭ سوڭعى كۇندەرىندە شەتەل ۆاليۋتاسىن ساتۋ­شىلار بەلسەندىلىگىنىڭ تومەن­دەۋىمەن بايلانىستىرادى. رەسەي ازا­ماتتارى ءۇشىن ينفلياتسيالىق كۇتۋلەر قىركۇيەكتە 0,2 % تارماققا ءوسۋدى جالعاستىرىپ, 11,7%-دى قۇراعانى بار.