فوتو: ماكسيم الەكساندروۆيچ
اتالعان ءىس-شارا بيىل ەكىنشى رەت وتكىزىلىپ وتىر. قازاقستان رەسپۋبليكاسى ۇلتتىق ۇلانعا قاراستى 3656 اسكەري ءبولىمىنىڭ ساربازدارى 800 مەتر بيىكتىكتەن پاراشيۋتپەن سەكىرۋ نورماسىن ورىندادى.
«نەگىزگى ۇشۋ قۇرامىنىڭ قىزمەتكەرلەرى 800 مەتر بيىكتىكتەن سەكىرەدى. ال قۇتقارۋ ءبولىمىنىڭ ساربازدارى ءۇشىن 1200 – 4000 مەتر بيكتىكتەن سەكىرۋ نورماسى ورناتىلعان. اسكەري ءبولىمنىڭ قىزمەتكەرلەرى 2 رەت سەكىرۋگە مىندەتتەلەدى. ەگەر سەكىرمەسە ۇشۋ مىندەتتەرىنەن بوساتىلادى», دەدى قر ۇۇ باس جەتەكشىسى دميتري اناتولەۆيچ.
سونداي-اق پاراشيۋتشىلاردىڭ جەردەگى دايىندىق كەزەڭىندە مىندەتتى تۇردە پسيحولوگتارمەن جۇمىس جۇرگىزۋى جوسپارعا كىرىستىرىلەدى. ماماننىڭ ايتۋىنشا, ۇشۋ الاڭىندا ساربازداردىڭ كوڭىلىن اۋلاپ, جىگەرلەندىرۋ ءۇشىن ارنايى اندەر قوسىلادى.
«پسيحولوگتار ۇشۋ جانە سەكىرۋ كەزىندە دەنەدە بولاتىن فيزيولوگيالىق پروتسەستەر تۋرالى, ءوزىن-ءوزى باسقارۋ ءادىسى تۋرالى ايتادى. كەيبىر ساربازدار سەكىرۋگە دايىن بولىپ تۇرعانىمەن, تۋرا سەكىرەر الدىندا قوبالجۋى مۇمكىن. ۇشۋ الاڭىندا جۇرگەن كەزدە ءار ساربازدى باقىلاپ جۇرەمىن. ەگەر قوبالجىعاندارىن كورسەم, ارقايسىسىنا جەكە-دارا كومەك كورسەتەمىن. ولاردىڭ كوڭىلىن كوتەرىپ, رۋحتاندىرۋ ءۇشىن ءان قوسىپ قويامىن», دەيدى پسيحولوگيالىق قولداۋ قىزمەتىنىڭ باسشىسى اعا لەيتەنانت عاليا مۇستافينا.
بۇگىن تىكۇشاقتان سەكىرگەن ساربازداردىڭ ىشىندە العاشقى سەكىرۋلەرىن ورىنداعان قىزمەتكەرلەر دە بولدى. سونىڭ ءبىرى 3656 اسكەري ءبولىمىنىڭ جاۋىنگەرى ەرلان قادىربەك ۇلى ءوزىنىڭ سەزىمىمەن ءبولىستى.
ء«بىرىنشى رەت سەكىرگەلى تۇرمىن. تولقۋ بار. كىشكەنە قورقىنىش تا بار. 1 اپتاداي ۋاقىت دايىندىققا كەتتى. ونىڭ ىشىندە وقۋ-جاتتىعۋلار, سونداي-اق پسيحولوگيالىق دايىندىقتار بولدى. ءبىز ءۇشىن پاراشيۋتپەن سەكىرىپ, تاجىريبە جيناۋ مىندەتتى», دەيدى ول.
سونىمەن قاتار ءبىراز تاجىريبە جيناعان تاعى ءبىر سارباز ءوزىنىڭ ءساتتى قونۋىنان كەيىنگى سەزىمىن ايتىپ بەردى.
«كوڭىل كۇي تاماشا. بۇل مەنىڭ العاشقى سەكىرۋىم ەمەس. تەوريالىق دايىندىقتى ەسكە سالىپ, ءپاراشيۋتتى باسقاردىق. ادەمى قونىس بولدى. مەنىڭ تۇسىنگەنىم بويىنشا, پاراشيۋتپەن سەكىرگەننىڭ ەڭ قيىن تۇسى – قونعان جەرىڭنەن قايتتان ورنىڭا كەلۋ», دەيدى ول.
نۇسقاۋشى ماماننىڭ ايتۋىنشا, پاراشيۋتپەن سەكىرۋ جاتتىعۋلارىنىڭ ءۇش ءتۇرى بار. ءبىرىنشىسى - جەردەگى دايىندىق. بۇل دايىندىق ءتۇرى بۇرىن مۇلدەم سەكىرمەگەندەرگە ارنالعان. ول بەلگىلى ءبىر ۋاقىت ارالىعىندا جۇزەگە اسىرىلادى. ءار ساباق ەكى ساعاتقا سوزىلادى. ەكىنشىسى - الدىن الا دايىندىق كەزەڭى. بۇل دايىندىققا تولىق ءبىر جۇمىس كۇنى ارنالادى. بۇل كەزدە ساربازدار نىساناعا سەكىرۋدى جانە پاراشيۋت جۇيەلەرىن ورنالاستىرۋدى ۇيرەنەدى. ەڭ سوڭعى ءۇشىنشى دايىندىق ءتۇرى - سەكىرۋ الدىنداعى الدىن الا دايىندىق.
ايتا كەتەيىك, بۇگىنگى پاراشيۋتپەن سەكىرۋ جاتتىعۋىندا 15 سارباز تاجىريبەسىن ارتتىردى. ولار 800-1200 مەتر بيىكتىكتەن پاراشيۋتپەن سەكىردى.
