فوتو: aikyn.kz
فەستيۆال بارىسىندا وتاندىق جانە شەتەلدىك ماماندار عىلىمي-تەحنيكالىق پروگرەستىڭ ەڭ وزىق تەوريالارى مەن تاجىريبەسىن جان-جاقتى تالدايدى دەپ جوسپارلانىپ وتىر.
سونداي-اق باسقوسۋدا جاساندى ينتەللەكت, كليماتتىڭ وزگەرۋى, ەكونوميكا بولاشاعى, ستارتاپتار مەن زاماناۋي ەڭبەك نارىعى, عىلىمنىڭ جاڭا قىرلارى, ادامزات بولاشاعى سىندى وزەكتى ماسەلەلەر ورتاعا سالىنادى.
فەستيۆالدە قر عىلىم جانە جوعارى ءبىلىم ءمينيسترى ساياسات نۇربەك, ەكونوميكا بويىنشا نوبەل سىيلىعىنىڭ لاۋرەاتى, الەمنىڭ ءۇش ۇزدىك ەكونوميسىنىڭ ءبىرى دجەيمس حەكمان, بەيبىتشىلىك سالاسىنداعى نوبەل سىيلىعىنىڭ يەگەرى, كليمات جانە تۇراقتى دامۋ بويىنشا №1 ساراپشى راە كۆون چۋنگ, م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ باسقارما توراعاسى – رەكتور داريا قوجامجاروۆا, الەمگە ايگىلى فۋتۋرولوگ گەرد لەونگارد, 2022 جىلى ءومىر تۋرالى عىلىم سالاسىنداعى سەرپىلىس ءۇشىن الەمدىك سىيلىق يەگەرى پاسكال مايەر, جانە تاعى دا باسقا ءتۇرلى سالانىڭ بىلىكتى ماماندارى قاتىسادى.
Nobel Fest – حالىقارالىق EdTech پلاتفورماسى. فەستيۆالدىڭ باستى ماقساتى – مىڭداعان قازاقستاندىقتاردى بىلىمگە, عىلىمعا جانە يننوۆاتسياعا باۋلۋ. Nobel Fest جىل سايىن 100 ەلدەن 500 000 قاتىسۋشى مەن 500 ۋنيۆەرسيتەتتى بىرىكتىرىپ, ۇزاق مەرزىمدى دامۋ مەن جاقسى بولاشاقتى قالىپتاستىرۋداعى ءبىلىم مەن جان-جاقتى ءبىلىمنىڭ ءرولى تۋرالى حابار تاراتادى.
فەستيۆالدىڭ نەگىزگى تاقىرىپتارى:
- تەحنولوگيالىق سينگۋليارلىق ءداۋىرى;
- بەلگىسىز الەم: جاساندى ينتەللەكت ءداۋىرى;
- تسيفرلىق الەمدەگى ادام ميىنىڭ رەسۋرستارى: سينگۋليارلىق نەمەسە سانا جولىندا;
- كوپپلانەتالىق وركەنيەت پەن عارىش ءتۋريزمىنىڭ قۇرىلىسى;
- عىلىم مەن ءبىلىم دامۋىنىڭ جاڭا قىرلارى;
- جاھاندانۋدىڭ اياقتالۋى جانە الەمنىڭ جاڭا ەكونوميكاسى;
- «Unicorn» ستارتاپتى قالاي قۇرۋعا بولادى نە تەحنولوگيا الپاۋىتتارىنىڭ دامۋىنا قانداي جاعداي جاساۋ كەرەك؟
- ەڭبەك پەن ادامي كاپيتالدىڭ بولاشاعى.
