فوتو: تۋريزم جانە سپورت مينيسترلىگى
57 كەلىگە دەيىنگى سالماقتا ½ فينالدا قازاقستان بوكسشىسى كارينا يبراگيموۆا تاجىكستاندىق ميجگونا سامادوۆامەن رينگكە شىعادى, ال 66 كەلىگە دەيىنگى سالماق بويىنشا ناتاليا بوگدانوۆا تاي بوكسشىسى سۋۆاننافەنگ دجاندجايمەن جۇدىرىقتاسادى.
ارالاس كوماندالار اراسىنداعى شيرەك فينالدا قازاقستان ساداقشىلارى ادەل جەكسەنبينوۆا مەن اندرەي تيۋتيۋن سايىسقا شىعادى. ولار تايلاند سپورتشىلارىمەن جارتىلاي فينالعا شىعۋ ءۇشىن تەكەتىرەسەدى.
قازاقستان ۆەلوشاباندوزدارى ريناتا سۇلتانوۆا مەن ماحاببات ءۇمىتجانوۆا تاسجولداعى ۆەلوسپورتتان فينالدىق جارىسقا قاتىسادى.
بۇگىن باستالاتىن گرەك-ريم كۇرەسىنەن ءتورت مەدال جيىنتىعى ساراپقا سالىنادى. ەل نامىسىن مەيىرجان شەرماحانبەت (67 كەلى), ماقسات سايلاۋ (87 كەلى), ايدوس سۇلتانعالي (60 كەلى), ازات سادىقوۆ (77 كەلى) قورعايدى.
كوماندالىق سپورت تۇرلەرى بويىنشا سۋ دوبىنان قازاقستان ەرلەر قۇراماسى سينگاپۋر كومانداسىمەن, ال ۆولەيبولدان قازاقستان قىزدار قۇراماسى تايلاندتىق قارسىلاستارىمەن كەزدەسەدى.
4 قازان كۇنگى تاڭەرتەڭگى كورسەتكىش بويىنشا مەدالدىق ەسەپتە قازاقستان 13-ءشى ورىندا تۇر.
ازيا ويىندارىن سپورت جانكۇيەرلەرى Qazaqstan جانە Qazsport تەلەارنالارىنان تىكەلەي ەفيردە تاماشالاي الادى.
