2011 جىلدان نارىقتا كەلە جاتقان «KazPlast» جشس – ەلىمىزدەگى پوليپروپيلەننەن گوفرلەنگەن قۇبىر مەن پوليەتيلەننەن ىدىس شىعاراتىن قاراعاندىلىق كاسىپورىن. ەكى جىلدان كەيىن شىلدەدە قازاقستان رەسپۋبليكاسى ۇكىمەتى دەلەگاتسياسىنىڭ قاتىسۋىمەن قاراعاندىدا ەركىن اعىس ءۇشىن دانەكەرلەنگەن پوليپروپيلەننەن جاسالعان ەكى قاباتتى «OPTIMA» گوفرلەنگەن قۇبىرلار شىعاراتىن زاۋىت ىسكە قوسىلدى. مۇندا كارىز, جاۋىن جانە درەناج جۇيەلەرى, سونداي-اق اۋانى جەلدەتۋگە ارنالعان قۇبىرلار وندىرىلەدى.
– زاۋىت 2011 جىلدان بەرى قازاقستان نارىعىندا جۇمىس ىستەيدى. ەكى جىلدان كەيىن پوليپروپيلەن قۇبىرلارىن شىعارۋ جەلىسى ىسكە قوسىلدى. بيىل تاعى دا ءبىر جەلى ساتىپ الدىق. كەڭەيىپ جاتىرمىز. بۇرىن قۇبىرىمىز 125-تەن 500 ديامەتردە بولسا, ەندى 125-تەن باستاپ, 1 200 ديامەترگە دەيىن. سونىڭ ارقاسىندا ەلىمىزدەگى ىشكى سۇرانىستى 100 پايىز يگەرەمىز دەپ وتىرمىز. قۇبىر بۇرىن قولدانىستا بولماعان شيكىزاتتان عانا جاسالادى. شيكىزات كورەيا مەن بىرىككەن اراب امىرلىگىنەن الىنادى. ويتكەنى وسى ەكى مەملەكەتتە الەم بويىنشا ساپالى شيكىزات شىعاراتىن ەكى ءىرى زاۋىت ورنالاسقان. مىسالى, رەسەي نەمەسە ورتالىق ازيا مەملەكەتتەرىندە وسىعان ۇقساس شيكىزاتتار وندىرەدى, بىراق ساپالارى ءبىرشاما تومەن, – دەيدى «KazPlast» جشس ديرەكتورى الەكساندار يۆانوۆ.
زاۋىت تەك قانا قۇبىر شىعارىپ, شەكتەلمەيدى. 200 ليتردەن باستاپ, 4 500 تەكشە سىيىمدىلىققا دەيىن پوليەتيلەننەن جاسالعان ىدىس شىعارادى. بۇل ىدىستا ءسۇت ونىمدەرىن تاسىمالدايدى. مىسالى, «KazPlast», «Eurasian Foods» كومپانياسىمەن تىعىز بايلانىستا. تازا سۋدى دا ساقتاۋعا بولادى. الىس اۋىل, اۋدانعا نەمەسە قۇرىلىس الاڭدارىنا دا جەتكىزە الاسىز. سونىمەن بىرگە مۇناي ونىمدەرىنە دە پايدالانادى. مۇنىمەن قوسا, زاۋىت شىعاراتىن بالالار ويىن الاڭىنا ارنالعان كەشەندەرگە دە سۇرانىس ارتقان. سوڭعى ءۇش جىلدىڭ وزىندە تەك قانا وبلىس بويىنشا 350 ويىن كەشەنى جاسالعان. ويىن الاڭىنا ارنالعان كەشەندەر وبلىستا عانا ەمەس, باسقا ايماقتارعا دا تاراۋدا. وڭتۇستىك وبلىستار كوپ الادى, تاپسىرىس بەرۋشىلەر ساناتى استانادا دا بارشىلىق, كەيىنگى ۋاقىتتا باتىستان دا ساتىپ الۋشىلار شىعا باستاعان. بۇل – ساپالى دۇنيەگە سۇرانىس بار دەگەن ءسوز.
«زاۋىت تولىق اۆتوماتتاندىرىلعاندىقتان ونىمدەرىمىز 100 پايىز ساپالى. ويتكەنى بۇكىل باعدارلامانى كومپيۋتەر ءوزى جاساپ شىعارادى. بۇل – ونىمگە 50 جىلعا دەيىن كەپىلدىك», دەگەندى ايتتى زاۋىت باسشىسى.
ايتا كەتەلىك, وسى كومپانيامەن قاتار زاماناۋي تەحنولوگيالاردى الەمدە بىرىككەن اراب امىرلىكتەرى, گەرمانيا, يتاليادا عانا قولدانادى.
ونىمدەرى ەكسپورتقا دا شىعادى. زاۋىت ونىمدەرىنىڭ 90 پايىزى قازاقستاننىڭ تۇپكىر-تۇپكىرىنە جونەلتىلەدى, قالعانى رەسەي مەن ورتالىق ازيا ەلدەرىنە جەتكىزىلەدى. اتاپ وتسەك, «BI Group», «BAZIS-A», «سيمۆول» سىندى ءىرى قۇرىلىس كومپانيالارى, سۋ كانالدارى «قاراعاندى سۋ», «استانا سۋ» «KazPlast» ونىمدەرىن پايدالانۋدا. الەكساندار سەرگەەۆيچتىڭ ايتۋىنشا, سۇرانىس ارتقان سايىن جىلدان-جىلعا ءونىم كولەمىن دە ۇلعايتىپ كەلەدى.
– جىل سايىن شىققان ءونىمدى 20 پايىزعا كوبەيتەمىز. 2021 جىلى ءبىز 1 500-1 700 توننا ءونىم وندىرسەك, 2022 جىلى بۇل سان 2 000 تونناعا جەتتى, وسى جىلى 2 500 توننا ءونىمدى جوسپارلاپ وتىرمىز, – دەيدى زاۋىت باسشىسى. 5 گەكتار جەرى بار «سارىارقا» ەكونوميكالىق ايماعىنداعى جاڭا جەلىنى ىسكە قوسقاندا بۇيىم تۇرىمەن قاتار ءونىمىمىزدى دە ارتتىرا تۇسپەكپىز. «سارىارقا» ارنايى ەكونوميكالىق ايماعىندا 2021 جىلى جاڭا زاۋىت قۇرىلىسىن باستادىق, بيىل اياقتادىق. الداعى ۋاقىتتا زاۆودسكايا كوشەسىنەن تولىعىمەن سول جاققا كوشەمىز دەگەن ويىمىز بار. جاقىندا ەكونوميكالىق ايماق جاقتان تاعى دا جەر ۋچاسكەسىن الدىق. جالپى – 5 گەكتار جەرىمىز بار. بۇل – ءوندىرىستى ۇلعايتۋ ءۇشىن زور مۇمكىندىك. سول جەردە جوعارى قۇبىر زاۋىتىن سالۋدى دا جوبالاپ قويدىق. اۋماق جەتكىلىكتى بولعاندىقتان باسقا دا وندىرىسكە قاجەتتى بۇيىم سانىن كوبەيتۋدى جالعاستىرامىز.
قاراعاندى وبلىسى
