وڭىرلىك IT-حابتار يننوۆاتسيالىق جوبالاردى دامىتىپ, اقپاراتتىق تەحنولوگيالار سالاسىندا بىلىكتى ماماندار دايارلاۋعا كومەكتەسەدى. ستارتاپ, مەنتور, ينۆەستورلاردى بىرىكتىرەدى.
IT-حاب – IT قاۋىمداستىعىن قۇرۋعا ارنالعان ەرەكشە كەڭىستىك. ينكۋباتسيالىق كەزەڭدە ستارتاپ-جوبالاردى ازىرلەۋدە قالىپتاسقان بىرەگەي جۇيە بار. ياعني كاسىپكەرلىكتى, قارجىلىق ەسەپ جۇرگىزۋدى ۇيرەتىپ, ينۆەستيتسيالار تارتۋعا كومەكتەسەدى.
– قازىر بارلىق وڭىردە IT-حابتاردىڭ قىزمەتىن دامىتۋ جانە ءتۇرلى ءىس-شارالاردى ۇيىمداستىرۋمەن اينالىساتىن كومۋنيتي-مەنەدجەرلەر جۇمىس ىستەيدى. وڭىرلەردە «Digital nomands» سەرىكتەستىگىنىڭ ساباقتارى جانە «Google Def» ۇسىنعان بەيرەسمي كەزدەسۋلەر ءجيى وتكىزىلەدى. بۇگىنگى تاڭدا وڭىرلىك حابتاردا 7 مىڭنان اسا ادامنىڭ قاتىسۋىمەن 300 ءىس-شارا وتكىزىلدى, – دەدى «Astana Hub» حالىقارالىق تەحنوپاركى وڭىرلىك دامۋ كەڭسەسىنىڭ ديرەكتورى ايدا دوسوۆا.
وڭىرلىك IT-حابتاردى دامىتۋ – «Astana Hub»-تىڭ باسىم مىندەتتەرىنىڭ ءبىرى. بيىلعى ماقسات – بۇكىل ەل بويىنشا 14 وڭىرلىك IT-حاب اشۋ. مەملەكەت باسشىسى قاسىم-جومارت توقاەۆ وڭىرلىك دەڭگەيدە يننوۆاتسيالىق ەكوجۇيەنى كەڭەيتۋدىڭ ماڭىزدىلىعى تۋرالى ءجيى ايتادى.
– مەنىڭ تسيفرلاندىرۋ ىسىنە جانە يننوۆاتسيانى ەنگىزۋ ماسەلەسىنە باسا ءمان بەرەتىنىمدى بارشاڭىز بىلەسىزدەر. ءبىزدىڭ ماڭىزدى ستراتەگيالىق مىندەتىمىز – قازاقستاندى ءىت-مەملەكەتكە اينالدىرۋ. تسيفرلاندىرۋ ىسىندە ناقتى جەتىستىكتەرىمىز دە جوق ەمەس. ءبىز ەلەكتروندى ۇكىمەتتى جانە فينتەحتى دامىتۋ يندەكسى بويىنشا الەم كوشباسشىلارىنىڭ قاتارىندا تۇرمىز. 2026 جىلعا قاراي ءىت قىزمەتتەرىنىڭ ەكسپورتىن 1 ملرد دوللارعا جەتكىزۋ – ۇكىمەتكە جۇكتەلەتىن جاڭا مىندەت, – دەگەن ەدى پرەزيدەنت.
بۇل ماقساتتا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەن «Astana Hub» جانە جەرگىلىكتى اتقارۋشى ورگاندار ايتارلىقتاي جۇمىس اتقاردى. جىل باسىنان بەرى ەلىمىزدىڭ مىنا وڭىرلەرىندە – سەمەي, قىزىلوردا, تالدىقورعان, تاراز, وسكەمەن, ورال, تۇركىستان, اقتوبە, قوستاناي, كوكشەتاۋ, پاۆلودار, اقمولادا IT-حابتار اشىلدى.
