مەرەكە سياقتى ءىس-شارا «قازاقستان-كورەيا-2023 ءوزارا مادەنيەت الماسۋ جىلىنىڭ» ەكىنشى جىلىنا ارنالىپ, وعان 800-گە جۋىق الماتىلىق ورتاقتاستى.
ساحناداعى LED-ەكراندا Busan Expo-2030 تۋرالى جارنامالىق روليكتەر مەن كورەي ءتۋريزمى تۋرالى بەينەروليكتەر كورسەتىلسە, ساۋدا ورتاعىنا كەلۋشىلەر ءۇشىن ارنايى ويىن-ساۋىق باعدارلاماسى دايىندالدى.
ساۋدا ورتالىعىنا كەلگەن الماتىلىقتار K-pop قويىلىمدارىن, كورەيدىڭ ءداستۇرلى بيلەرىن, باراباندى ورىنداۋدى جانە سامۋلنوري توبىنىڭ ونەرىن تاماشالادى. سالتاناتتى وقيعا بارىسىندا قالا تۇرعىندارى كورەي حالقىنىڭ ءداستۇرلى «حانبوك» كيىمىن كيىپ, ءداستۇرلى كورەي ويىندارىن ويناپ, وڭتۇستىك كورەياداعى وقۋ ورىندارىنا قالاي قابىلدانۋعا بولاتىنى تۋرالى تانىستىرىلىمداردى تىڭداپ, الۋان ءتۇرلى اقپاراتتار الدى.
الماتىلىقتاردىڭ كەزەكتى دەمالىسىنا ءسان بەرگەن ءىس-شارا ەكى ەلدىڭ ءبىرىن ءبىرى تەرەڭىرەك تانىپ, تاتۋلىعىنىڭ نىعايا تۇسۋىنە يگى سەپتىگىن تيگىزەتىنى ءسوزسىز. قالانىڭ كەيبىر تۇرعىندارى بۇل كۇن وڭتۇستىك كورەياعا دەگەن قىزىعۋشىلىقتارىن وياتقانىن ايتادى.
