فوتو: وزبەكستان تجم
وقيعا 28 قىركۇيەك ساعات 02:43 شاماسىندا بولعان. توتەنشە جاعدايلار مينيسترلىگىنىڭ كەزەكشى بولىمىنە تاشكەنت قالاسى سەرگەلي اۋدانىنىڭ «سترويتەل» ءماسسيۆىنىڭ اۋماعىندا ورنالاسقان قويمالاردىڭ بىرىندە بولعان جارىلىس جانە ودان كەيىنگى ءورت تۋرالى حابارلاما كەلىپ تۇسكەن. ءورت سوندىرۋگە 16 ءورت ءسوندىرۋ ءبولىمى جۇمىلدىرىلعان.
وزبەكستان دەنساۋلىق ساقتاۋ مينيسترلىگىنىڭ مالىمەتىنشە وقيعا سالدارىنان زارداپ شەككەندەر بار, ولاردىڭ ناقتى سانى ازىرگە بەلگىسىز. زارداپ شەككەندەر رەسپۋبليكالىق شۇعىل مەديتسينالىق كومەك عىلىمي ورتالىعىنا جانە ونىڭ تاشكەنت وبلىسىنداعى فيليالىنا جاتقىزىلعان. ولاردىڭ اراسىندا اۋىر جاراقات العاندار جوق.
توتەنشە جاعدايلار مينيسترلىگى تاراتقان اقپاراتتا الەۋمەتتىك جەلىلەردە جارىلىس ۇشاق اپاتىمەن بايلانىستى دەگەن جالعان اقپاراتتار تاراپ جاتقانى ايتىلعان. سونداي-اق ۆەدومستۆو ورتتىڭ وقشاۋلانعانىن ءمالىم ەتتى.
