جانۋارلاردىڭ جانە ولاردان الىناتىن ءونىم مەن شيكىزاتتىڭ تاسىمالدانۋىن باقىلاۋدا ۇستاۋعا مۇمكىندىك بەرەتىن سايكەستەندىرۋ شارالارىن جۇرگىزۋ وبلىستىق ۆەتەريناريا باسقارماسىنا مىندەتتەلگەن. مال باسىن بىرىزدەندىرۋ كەزىندە اشجب اقپاراتتىق جۇيەسىنە ت ۇلىكتىڭ سانى تۋرالى مالىمەتتەر ەنگىزىلىپ, سىرعالاۋ, تاڭبا باسۋ, راديوجيىلىكتى بەلگىسى بار سىرعا, بوليۋس, چيپ تاعۋ, ءار باسقا جەكە ءنومىر بەرۋ جۇمىستارى اتقارىلادى.
وبلىستىق ۆەتەريناريا باسقارماسىنىڭ باسشىسى احات شەكتىباەۆتىڭ ايتۋىنا قاراعاندا ءوڭىردىڭ ەپيزووتيالىق احۋالى تۇراقتى. بۇعان اسا قاۋىپتى جۇقپالى مال اۋرۋلارىنىڭ الدىن الاتىن ۆاكتسينا ەگۋ جانە دياگنوستيكالىق زەرتتەۋ جۇمىستارىنىڭ بەلگىلەنگەن جوسپارعا سايكەس دەر كەزىندە جۇرگىزىلۋى سەپ بولىپ وتىر.
سالا ماماندارى مالدىڭ قان سارىسۋىنا دياگنوستيكالىق زەرتتەۋ جۇرگىزۋ بارىسىندا برۋتسەللەزگە شالدىققان جانۋارلاردى سويۋعا ەرەكشە ءمان بەرەدى. جۇقپالى دەرت انىقتالعان جاعدايدا يەسى اۋرۋ مالىن 15 كۇننىڭ ىشىندە ەت وڭدەۋ كاسىپورنىنا نەمەسە سويۋ پۋنكتىنە جىبەرۋگە مىندەتتى. ال اۋداندىق جانە قالالىق ۆەتەريناريا بەكەتتەرى مال يەلەرىن تەگىن كولىكتەرمەن قامتاماسىز ەتۋگە ءتيىس. برۋتسەللەزگە ۇشىراعان مالدى تاسىمالداۋعا وسى جىلى جەرگىلىكتى بيۋدجەتتەن 30 ملن تەڭگەدەن اسا قاراجات ءبولىنىپ وتىر.
– اۋرۋ مالدى سويۋ تسەحتارىنا تاپسىرۋ بارىسىنىڭ دۇرىستىعىن باقىلاۋ ءۇشىن سانيتارلىق سويۋ اكتىسى جاسالىپ, وعان جانۋاردىڭ يەسى مەن سويۋ پۋنكتىنىڭ وكىلى قول قويادى. مۇنداي شارالار برۋتسەللەزدىڭ تارالۋىن بولدىرماۋ جانە اۋرۋدىڭ پايدا بولۋىنىڭ ەپيزووتيالىق تىزبەگىن انىقتاۋ ءۇشىن قولدانىلادى. سويۋ نىساندارىندا مالدىڭ ەتى مەن ىشكى ورگاندارعا ۆەتەرينارلىق-سانيتارلىق ساراپتاما جۇرگىزىلەدى. ءىرى قارا مالدا برۋتسەللەزگە ءتان بەلگىلەر انىقتالعان جاعدايدا ونىڭ ەتى مەن ىشكى ورگاندارى وڭدەۋگە جىبەرىلەدى. مال يەسىنە پىشاققا ىلىنگەن جانۋاردىڭ نارىقتاعى قۇنىنىڭ 30 پايىزى مولشەرىندە وتەماقى تولەنەدى. سونداي-اق برۋتسەللەزبەن اۋىرعان ۇساق مال دا ىشكى ورگاندارىمەن قوسا مىندەتتى تۇردە قايتا وڭدەلەدى. ونىڭ دا 30% مولشەرىندە قۇنى وتەلەدى. جالپى, جىل باسىنان بەرى برۋتسەللەز انىقتالعان 180-دەي ۇساق مالعا 1 ملن 564 مىڭ تەڭگە وتەماقى تولەندى, – دەيدى احات شەكتىباەۆ.
وبلىستىق ۆەتەريناريا باسقارماسىنىڭ ماماندارى جۇقپالى اۋرۋدىڭ الدىن الۋ ماقساتىندا شارۋاشىلىقتاردىڭ قورا-جايلارىن دەزينفەكتسيالاۋ شارالارىن جۇرگىزەدى. بۇگىندە وڭىردەگى بارلىق ۆەتەريناريا بەكەتتەرىندە دەزينفەكتسيالىق قوندىرعى ورناتىلعان ارنايى اۆتوكولىك بار. دەزينفەكتسيا پرەپاراتتارى دا جەتكىلىكتى.
بيىل وبلىس كولەمىندەگى 382 قورا-جايعا ءماجبۇرلى دەزينفەكتسيا, 254 نىسانعا پروفيلاكتيكالىق دەزينفەكتسيا جۇرگىزىلگەن.
قوستاناي وبلىسى
