موڭعول ەلىنىڭ ساياسي ءراسىمى بويىنشا كەلگەن قۇرمەتتى قوناق كىم بولسىن حاتتاما بويىنشا ۇكىمەت ءۇيىنىڭ الدىنداعى شىڭعىس قاعاننىڭ الىپ مۇسىنىنە تاعزىم ەتىپ, باس يۋگە ءتيىس. بىراق رەسەيلىك مارتەبەلى قوناق ۆياچەسلاۆ ۆولودين بۇل ءراسىمدى ورىندامادى, ياعني ۇلى قاعاننىڭ قۇرمەتىنە باس يمەدى. قاسقايىپ تۇرىپ الدى.
بۇل وقيعا موڭعول اعايىنداردى قاتتى شامداندىردى. ودان كەيىن وقيعانىڭ بۇلايشا ساياسي سيپات الۋىنا تاعى ءبىر سەبەپ – دۋما توراعاسى قالاداعى مارشال گ.جۋكوۆ ەسكەرتكىشىنە بارىپ باس ءيىپ, ەرەكشە تاعزىم ەتۋى. بۇل ءىستى موڭعولدار «الا قويدى بولە قىرقۋ» دەپ قابىلدادى.
دۋما توراعاسىنىڭ ارەكەتىن الەم ءباسپاسوزى سان-ساققا جۇگىرتىپ جاتىر. اسىرەسە ازيا قۇرلىعىنىڭ الپاۋىت ءباسپاسوز قۇرالدارى ءبىراۋىزدان «بۇل مەملەكەتتىڭ ىشكى ساياساتىنا قۇرمەت كورسەتپەۋ», دەسە, رەسەيلىك ىقپالدى پورتال «ديالوگ UA»: ء«ۆولوديننىڭ شىڭعىس قاعان ەسكەرتكىشىنە تاعزىم ەتپەۋى رەسەيلىك ساياساتكەرلەردىڭ ارەكەتتەرىنە جانە ەلدىڭ سىرتقى ساياساتى مەن ديپلوماتياسىنا نۇقسان كەلتىرۋى مۇمكىن», دەگەندى ايتىپ, وتكەن ايدا بۇل مەملەكەتكە ساپارلاعان ريم پاپاسىنىڭ ءوزى مۇگەدەكتەر ارباسىنان تۇرىپ, ۇلى قاعانعا قۇرمەت كورسەتىپ, تاعزىم ەتكەنىن ەسكە سالدى.
