«بالقاديشا» كەشەنى

جاي عانا اڭىز ەمەس, ادەمى انمەن ادىپتەلگەن, اجارلى اڭىز­بەن كومكەرىلگەن, سۇلۋ ىر­عاقتى اۋەن بولىپ تەبىرەنتىپ كورىن­بەك. بالقاديشا ءانىنىڭ تۋ تاريحىن زەرتتەۋشىلەر­دىڭ پىكىرى­نە قاراعاندا, جىلان­دى تاۋى­نىڭ بوكتەرىندەگى مۇسا مونتاي ­اۋىلىندا جارىق دۇ­نيە ەسىگىن اش­قان نارەستەنىڭ شىلدەحانا­سى وتكىزىلگەلى جاتىر ەكەن. التى الاش­قا اسقاق انىمەن اتى ءمالىم بولعان اقان سەرى دە وسى اۋىلعا ات باسىن تىرەپتى. تابيعاتى تا­مىل­جىعان ولكەنى ارالاپ, سە­رى­لىك قۇرىپ جۇرگەن شاعى. ەل شە­تىنە ىلىككەن سەرىلەر­دىڭ توبىن كورگەن اۋىلدىڭ ۇلكەندەرى شىلبىرلارىنا جار­ماسىپ, قو­لتىقتارىنان دەمەپ, داستار­قان­عا شاقىرا­دى. اتاعى جەر جا­رىپ تۇرعان اقان سەرىنىڭ جانىنا جاس­تار­دىڭ ەشقايسىسى وتى­رۋعا باتپاپتى. بالكىم, ونەرىن سىي­لاعاندىقتان شىعار. اۋىلعا سەرى­نىڭ كەلگەنى تۋرالى حابار قادي­شانىڭ دا قۇلاعىنا جەتسە كەرەك. قىرمىزى قىزدارعا ىلە­سىپ ول دا جەتەدى. «اۋىلعا ايگىلى سەرى كەلسە, نەگە قوسىلىپ ءان شىرقاماسقا؟», دەپ نازدانا سويلەي كەلەدى. قىزدىڭ اعالارى بۇل جايدى ەستىپ قال­سا كەرەك. بوي جەتىپ وتىرعان قىزدى سەرىنىڭ قاسىنان الىپ كەتكەن ءجون. بىراق قالاي؟ امالىن تاپپاي ايەلدەرىن جۇم­سايدى. اڭگىمەلەرى جاراسىپ قالعان سەرى قاديشا­نى جىبەرگىسى كەلمەيدى. امال جوق, ەكى بىردەي جەڭگەسى كەلىپ وتىر. ارتتارىندا قاباقتارى تۇكسيگەن اعالارى تۇر. ەندىگى­سى ابەستىك. سول ساتتە ارۋ­دىڭ تاڭ­نىڭ ءمولدىر شىعىنداي جان دۇنيەسىن, كوركەم بەينەسىن, جىبەكتەي ەسىلگەن مىنەزىن بەينە­لەگەن ءان زەرەندىنىڭ بيى­گىنە قۇل­ديلاي كوتەرىلىپ, كوكشەنىڭ بار دالاسىنا تاراپ بارا جاتادى. بۇگىنگى كۇنى جالپاق جۇرتقا رۋحاني ازىق بولعان ايگىلى ءان وسىلاي تۋسا كەرەك. اۋەل باستا توقسان شۋ­ماق بولعان دەسەدى. كەيىنگىگە جەت­كەنى جۇرناعى عانا. 1988 جىلى قايروللا ءجۇزباسوۆ قۇراستىرعان جيناققا «بال­قاديشا» ءانىنىڭ ءۇش نۇسقاسى ەنگەن. قازىر ۇشەۋى دە ايتىلىپ ءجۇر. ۇشەۋ بولعانمەن, تا­قىرىپ ءبىر, مازمۇن ورتاق.