فوتو: سەناتتىڭ ءباسپاسوز قىزمەتى
كەزدەسۋگە قاتىسۋشىلار ەتنوسارالىق قاتىناستار سالاسىنداعى ماسەلەلەردى تالقىلادى. اتاپ ايتقاندا, ۇلت بىرلىگىن قامتاماسىز ەتۋ, ەتنوسارالىق احۋالعا تونەتىن قاۋىپ-قاتەردى انىقتاۋ جانە الدىن الۋ, ميگرانتتاردى ينتەگراتسيالاۋ, الەۋمەتتىك جەلىلەردە «ارازدىق تۋعىزۋدى» ەڭسەرۋ, ەتنيكالىق نەمەسە تىلدىك قاعيدات بويىنشا كەمسىتۋشىلىكتىڭ كەز كەلگەن تۇرىنە جول بەرمەۋ جانە زەرتتەۋ جوبالارىن قارجىلاندىرۋ ماسەلەلەرى كوتەرىلدى.
سونىمەن قاتار, قولدانبالى ەتنوساياسي زەرتتەۋلەر ينستيتۋتىنداعى قولدانبالى زەرتتەۋلەر ورتالىعىنىڭ ديرەكتورى وڭىرلەردەگى ەتنوسارالىق جاعدايدى زەردەلەۋ, سونداي-اق ەتنوسارالىق شيەلەنىستىڭ الدىن الۋ ماقساتىندا ينستيتۋت جۇرگىزگەن مونيتورينگتىك ساپارلار تۋرالى ايتىپ بەردى.
