فوتو: facebook.com
«بارشاعا بەلگىلى, جىلجىمايتىن م ۇلىكتى نەمەسە كەز كەلگەن باسقا م ۇلىكتى قايتا تىركەۋگە ارنالعان ءاربىر مامىلە ءۇشىن الدىمەن جۇبايىنىڭ نوتاريالدى كۋالاندىرىلعان كەلىسىمىن الۋ قاجەت. 2022 جىلى نوتاريۋس ارقىلى ەرلى-زايىپتىلاردىڭ 800 مىڭعا جۋىق كەلىسىمى بەرىلگەنىن بىلەسىز بە؟ بۇل ءار جۇپتىڭ كەم دەگەندە ءبىر ساعاتىن الادى. سونداي-اق ەرلى-زايىپتىلاردىڭ بىرىنە جۇمىستان شىعۋعا رۇقسات ەتىلمەگەن نەمەسە ولاردىڭ بىرەۋى باسقا قالادا بولاتىن جاعدايلار بار. ەندى eGov mobile قوسىمشاسىندا ەرلى-زايىپتىلاردىڭ نوتاريالدى تۇردە راستالعان كەلىسىمىن بەرۋگە بولادى», دەدى مينيستر.
فۋنكتسيا تسيفرلىق دامۋ مينيسترلىگى, ادىلەت مينيسترلىگى جانە رەسپۋبليكالىق نوتارياتتىق پالاتانىڭ بىرلەسكەن جۇمىسىنىڭ ارقاسىندا قولجەتىمدى بولدى.
قىزمەتتى قولدانبانىڭ ىشىندەگى «eNotary» قىزمەتىنەن تابۋعا بولادى. بۇل فۋنكتسيا قازاقستاندىقتارعا نوتاريۋسقا بارماي-اق قاعاز نۇسقاسىن الىپ تاستاي وتىرىپ, نوتارياتتىق قۇجاتتاردى بىرنەشە مينۋت ىشىندە كۋالاندىرۋعا مۇمكىندىك بەرەدى.
كەلىسىم بيومەتريكالىق تەكسەرۋدەن ءوتۋ كومەگىمەن ونلاين جۇرگىزىلەدى, سودان كەيىن نوتاريۋس كليەنتتىڭ دەرەكتەرىن تەكسەرەدى, بۇدان ءارى كەلىسىم راستالعاننان كەيىن نوتاريالدى كۋالاندىرىلعان قۇجات راسىمدەلەدى.
ەرلى-زايىپتىلاردىڭ كەلىسىمىن الۋ ءۇشىن سىزگە:
- eGov Mobile قوسىمشاسىنا كىرۋ;
- باستى بەتتە «eNotary» قىزمەتىن اشۋ;
- تىزىمنەن «كەلىسىم» ارەكەت ءتۇرىن تاڭداۋ;
- ءوتىنىش فورماسىن تولتىرۋ جانە بيومەتريالىق تەكسەرۋدەن ءوتۋ;
- بەينەقوڭىراۋ ارقىلى جۇبايىڭىزدىڭ كەلىسىمىن الۋ;
- نوتاريالدىق قىزمەتكە اقى تولەۋ قاجەت.
بەينەقوڭىراۋ اياقتالعاننان كەيىن پايدالانۋشى «نوتارياتتىق ءىس-ارەكەتتەر» بولىمىندە ءوتىنىشتىڭ كۇيىن كورۋ مۇمكىندىگىنە يە بولادى.
EGov Mobile ءموبيلدى قوسىمشاسىنىڭ «تسيفرلىق قۇجاتتار» بولىمىندەگى QR كودىن سكانەرلەۋ ارقىلى بەينەكامەرانىڭ كومەگىمەن رەسمي كۋالاندىرىلعان سەنىمحاتتىڭ تۇپنۇسقالىعىن تەكسەرۋگە بولادى. قالىپتاسقان سەنىمحات «تسيفرلىق قۇجاتتار» سەرۆيسىندە قولجەتىمدى جانە ونى تالاپ ەتۋ ورنى بويىنشا ۇسىنۋعا بولادى.
