ەندى ەكى ۋنيۆەرسيتەتتىڭ وقىتۋشىلارى مەن ستۋدەنتتەرى اكادەميالىق ءىس-شارالار, ەنەرگەتيكاعا قاتىستى سالالاردا الماسۋ باعدارلامالارىنان وتە الادى. NU پرەزيدەنتىنىڭ مىندەتىن اتقارۋشى, دوكتور يلەسانمي ادەسيدا جاھاندىق تۇراقتى ەنەرگەتيكاعا ۇلەس قوسۋ جانە جاڭعىرمالى ەنەرگيا سالاسىنداعى سەرپىندى شەشىمدەردى ىلگەرىلەتۋگە بۇل ىنتىماقتاستىقتىڭ ماڭىزى زور ەكەنىن اتاپ ءوتتى. نازارباەۆ ۋنيۆەرسيتەتى قۇرىلعالى بەرى شەتەلدىك جانە ەلدەگى ۋنيۆەرسيتەتتەرمەن سەرىكتەستىكتە ەنەرگەتيكالىق رەسۋرستاردى جاقسارتۋعا باعىتتالعان ىرگەلى كوممەرتسيالىق ادىستەمەلەردى ازىرلەپ ءجۇر. وسىلايشا, زەرتحانالارىنىڭ قىزمەتىن دامىتا وتىرىپ, ءتيىمدى دامۋدا قولدانىلاتىن فيزيكا, حيميا, ماتەريالتانۋ, اقپاراتتىق تەحنولوگيالار سالاسىنداعى ۇزدىك عىلىمي ورتالىقتاردىڭ بىرىنە اينالۋعا ۇمتىلادى.
ەكى ۋنيۆەرسيتەت قۇندىلىعى مەن ماقساتى جاعىنان ۇقساس. كورەيا ەنەرگەتيكالىق تەحنولوگيالار ينستيتۋتى بولاشاق ەنەرگەتيكالىق زەرتتەۋلەرگە جەتەكشىلىك ەتىپ, وڭتۇستىك كورەيانىڭ ەنەرگەتيكالىق كلاستەرىنىڭ ورتالىعىنا اينالۋدى ماقسات ەتەدى. كەزدەسۋ بارىسىندا وڭتۇستىك كورەيا دەلەگاتسياسىنىڭ باسشىسى, پروفەسسور دۋ سوك گۆان ء«بىز نازارباەۆ ۋنيۆەرسيتەتى مەن KENTECH اراسىنداعى ءوزارا تۇسىنىستىك تۋرالى مەموراندۋمعا قول قويىلعانىنا قۋانىشتىمىز. مەنىڭشە, ءبىزدىڭ ۋنيۆەرسيتەتتەردىڭ ستراتەگيالىق سەنىمدەرىندە ورتاق كوپ نارسە بار. ولار – يننوۆاتسيالارعا, حالىقارالىق دامۋعا جانە ىنتىماقتاستىققا ۇمتىلاتىن جاڭا پروگرەسسيۆتى جوعارى وقۋ ورىندارى. ءبىز نازارباەۆ ۋنيۆەرسيتەتىنىڭ جوعارى بەدەلىن, اكادەميالىق جەتىستىكتەرگە دەگەن ۇمتىلىسىن كورىپ وتىرمىز», دەگەن پىكىر ايتتى.
