الەمدىك دودالاردا بۇعان دەيىن توپ جارىپ جۇرگەن بولات ساپاردىڭ بۇل جولى دا التىن تۇعىردان كورىنەتىن زور مۇمكىندىگى بار ەدى. وكىنىشكە قاراي, باعى جانبادى. بۇعان بولاتتىڭ ساعى سىنا قويعان جوق. جاس بالۋان كەلەسى باسەكەلەرىندە فينالدا جىبەرگەن قاتەلىگىمەن جۇمىس ىستەيمىن دەپ بەرىك بەكىنىپ وتىر. جىگەرلى جىگىتكە ءبىز دە سەنىم بىلدىرەمىز.
بولات بالۋان بۇعان دەيىن دە ءباسى بيىك باسەكەلەردە تاماشا بەلدەسىپ ءجۇردى. اتاپ ايتار بولساق, 2021 جىلى تاشكەنتتە سامبو كۇرەسىنەن جاستار اراسىندا ازيا بىرىنشىلىگىندە 88 كگ سالماق دارەجەسىندە بەلدەسىپ, سارى قۇرلىق چەمپيونى اتانعان. سول جىلى تاعى دا تاتارستاننىڭ قازان قالاسىندا وتكەن تمد ەلدەرىنىڭ كىل مىقتىلارى قاتىسقان باسەكەدە كۇمىسكە قول جەتكىزگەن-ءتىن.
سامبومەن سەگىز جاسىنان باستاپ جاتتىققان بولات: «بالا كەزىمنەن دايىنداپ كەلە جاتقان, ارقاشان قولداۋ كورسەتكەن باپكەرىم ماديار مانانباەۆقا ريزاشىلىعىمدى جەتكىزگىم كەلەدى. بيىكتەن كورىنۋىمە ەڭبەگى ابدەن ءسىڭدى», دەيدى.
جەرلەسىمىز بىلتىر «جىلدىڭ ۇزدىك سپورتشىسى» اتانعان. نەگە دەسەڭىز, ول ءۇشىن وتكەن جىل جەمىستى دە جەڭىستى بولدى. الماتىداعى حالىقارالىق تۋرنيردە, اقتاۋداعى ازيا كۋبوگىندە, بىشكەكتەگى حالىقارالىق تۋرنيردە توپ جارعان ول ەلدىڭ تۋىن بيىككە كوتەردى.
ب.ساپاردىڭ سامبودان الەم جۇلدىزى بولاتىنىنا الدەن سەنگىمىز كەلەدى. جاتتىعۋ زالىندا تابانداپ ءجۇرىپ جاتتىعاتىنىن, تالابىنىڭ تاۋداي ەكەنىن شاكىرتىن بەس ساۋساقتاي بىلەتىن جاتتىقتىرۋشىسىنىڭ ءوزى دە ايتىپ وتىر.
قاراعاندى وبلىسى
