32 جاستاعى قانداسىمىز كاسىپقوي بوكستى سەرىك ەتكەن سەگىز جىل ارالىعىندا 21 كەزدەسۋ وتكىزىپ, 18 رەت جەڭىسكە جەتتى. 14 قارسىلاسىن نوكاۋتقا جىبەردى. ەكى جەكپە-جەكتىڭ ناتيجەسى ەسەپكە الىنبادى. باتىر ءوزىنىڭ كارەراسىندا ءبىر رەت قانا جەڭىلدى. 2021 جىلدىڭ 29 مامىرىندا امەريكادا پۋەرتو-ريكونىڭ وكىلى سابريەل ماتياسقا قارسى وتكەن باسەكەنىڭ سەگىزىنشى راۋندىندا ول كەزدەسۋدى جالعاستىرۋدان باس تارتتى. ارگەنتينانىڭ وكىلى دە 24 جەكپە-جەكتىڭ تەك بىرەۋىندە عانا جەڭىلىستىڭ كەرمەك ءدامىن تاتتى. جەتى ايقاستى ول مەرزىمىنەن بۇرىن اياقتادى.
پلانت-سيتيدەگى سايىس باستالعان بەتتە رولدان جۇكەمباەۆتى نوكداۋنعا جىبەردى. دەسەك تە لەزدە ەسىن جيعان قازاق بوكسشىسى ودان كەيىن قارقىنىن ۇدەتە ءتۇستى. ناتيجەسىندە, باتىر تورەشىلەردىڭ شەشىمىمەن جەڭىسكە جەتىپ, WBA NABA نۇسقاسى بويىنشا چەمپيوندىق بەلبەۋدى يەلەندى.
