فوتو: zhetysu.police
15 جاستاعى اقەركە جولداسوۆانىڭ جانە 16 جاستاعى ءامىر تەرگەۋوۆتىڭ ۇشتوبە قالاسىنان حابار-وشارسىز كەتكەنى تۋرالى ارىز قاراتال اۋدانىنىڭ پوليتسەيلەرىنە 6 قىركۇيەكتە جازىلعان ەكەن.
كامەلەتكە تولماعانداردى جاپپاي ىزدەستىرۋ جۇمىستارىن پوليتسيا قىزمەتكەرلەرى, ولاردىڭ تۋىستارى, مەكتەپتىڭ پەداگوگيكالىق ۇجىمى جانە ەرىكتىلەر جۇرگىزگەن.
«19 قىركۇيەكتە ءىز-ءتۇزسىز جوعالعانداردىڭ ورنالاسقان جەرى انىقتالدى. ەكى مەكتەپ وقۋشىسى دا شىمكەنت قالاسىندا ەكەنى بەلگىلى بولدى. پوليتسەيلەر كامەلەتكە تولماعانداردى ۇشتوبەگە جەتكىزىپ, اتا-اناسىنا تاپسىردى. ەكى ءجاسوسپىرىم دە ەسەن, دەندەرى ساۋ», دەدى جەتىسۋ وبلىسى پد كريمينالدىق پوليتسيا باسقارماسىنىڭ باستىعى قايرات جۋرۋنوۆ.
