فوتو: interfax.ru
ء«بىرىنشى ماقسات – ەكونوميكانى ءارتاراپتاندىرۋ جانە وڭدەۋ ونەركاسىبىن دامىتۋ. ءارتاراپتاندىرۋ تۋرالى ايتقانىمىزعا كوپ بولسا دا ازىرگە ايتارلىقتاي جەتىستىگىمىز جوق. قازىرگى تاڭدا ءبىزدىڭ ەكسپورتتىڭ 70 پايىزدان استامى – شيكىزات ءونىمى. وسىعان بايلانىستى وڭدەۋ ونەركاسىبىن دامىتۋعا قاراجات سالاتىن قازاقستان كاسىپكەرلەرى مەن شەتەلدىك ينۆەستورلاردى سالىقتان بوساتۋ جونىندە بىرقاتار شارا قابىلداۋ جوسپارلاندى. بۇل نارىققا قاتىسۋشىلاردى ىنتالاندىرۋ ءۇشىن اسا ماڭىزدى», دەپ اتاپ ءوتتى ماۋلەن اشىمباەۆ.
تاعى ءبىر كەلەشەگى زور باعىت – اگرارلىق سەكتوردى دامىتۋ. سەنات توراعاسى سوڭعى جىلدارى الەمدە ازىق-ت ۇلىك باعاسى تۇراقتى تۇردە ءوسىپ كەلە جاتقانى بايقالىپ وتىرعانىن تىلگە تيەك ەتتى. سونداي-اق ول الەم حالقىنىڭ ارتۋى جانە تيىسىنشە ازىق-ت ۇلىكتى تۇتىنۋ دا وسەتىنىن نازارعا الىپ, قازىر وسى تاۋارلارعا سۇرانىستىڭ تۇراقتى بولاتىنىن بولجاۋ قيىن ەمەستىگىن اتاپ ءوتتى.
«ەكىنشى ماقسات – اگرارلىق سەكتوردى جاڭا زاماناۋي يننوۆاتسيالىق تەحنولوگيا نەگىزىندە دامىتۋ. بىزگە ەڭ الدىمەن ازىق-ت ۇلىك يمپورتىنا تاۋەلدى ەمەس وتاندىق نارىقتى قامتاماسىز ەتۋ وتە قاجەت. بۇل رەتتە قوسىمشا قۇنى جوعارى ونىمدەردى ەكسپورتتاۋ اسا ماڭىزدى. وسىعان بايلانىستى اۋىل شارۋاشىلىعى ونىمدەرىن 70 پايىزعا دەيىن وڭدەۋ, ىشكى نارىققا جەتكىزۋ جانە ەكسپورتتاۋ كوزدەلىپ وتىر», دەدى سەنات توراعاسى.
ماۋلەن اشىمباەۆتىڭ پىكىرىنشە, جۇمىستىڭ ءۇشىنشى ماڭىزدى باعىتى – قازاقستاندى كولىك-لوگيستيكا ورتالىعى رەتىندە قالىپتاستىرۋ. گەوگرافيالىق تۇرعىدا الەۋەتى بار, ونى تولىعىمەن جۇزەگە اسىرۋ – باستى مىندەت. ال, قازىرگى گەوساياسي جاعدايدا ء«دال ورتاداعى ءدالىز» اتاۋىنىڭ ءمان-ماڭىزى ارتىپ كەلەدى. بۇل باعىت الداعى جىلدارى ءبىزدىڭ ەلىمىز ارقىلى وتەتىن تاۋارلاردىڭ ءترانزيتىن 5-6 ەسەگە ارتتىرۋعا مۇمكىندىك بەرەدى.
«وسىلايشا, ەكونوميكانى ءارتاراپتاندىرۋ, اگرارلىق سەكتوردى دامىتۋ, كولىك-كوممۋنيكاتسيا كەشەنىن دامىتۋ, قازاقستاندى ترانزيتتىك-لوگيستيكالىق ورتالىق رەتىندە قالىپتاستىرۋ الداعى جىلدارعا ارنالعان اسا ماڭىزدى مىندەتتەرىمىز. تاعى ءبىر ماقسات – قازاقستانداعى ءداستۇرلى ءوندىرۋشى سەكتورلاردى جاڭعىرتۋ. ءبىز تاۋ-كەن جانە مۇناي-گاز ونەركاسىبى تۋرالى ايتىپ وتىرمىز. قازىرگى ۋاقىتتا بۇل سەكتور ءبىزدىڭ ەكونوميكامىزدا ايرىقشا ماڭىزعا يە. ويتكەنى, بارلىق ەكسپورتتىڭ 70 پايىزىن وسى سالا ونىمدەرى قۇرايدى. سوندىقتان ءبىز ودان باس تارتا المايمىز. سوعان بايلانىستى ونى تەحنولوگيالىق جاعىنان دا, ەكولوگيالىق جاعىنان دا جاڭعىرتۋ قاجەت», دەدى سەنات توراعاسى.
