«قاسىم-جومارت توقاەۆ بۇۇ-دا سويلەگەن سوزىندە ءبىرىنشى كەزەكتە ورتالىق ازيانىڭ وڭىرلىك پروبلەمالارىنا نازار اۋدارىپ, ناقتى شارالار قابىلداۋ قاجەتتىگى ماڭىزدى ەكەنىن اتاپ كورسەتتى.
جاھاندىق ماسەلەلەر ءبىزدى دە الاڭداتاتىنىن سەزدىرۋ ماڭىزدى, ءبىزدىڭ دە وزىندىك ۇستانىم, كوزقاراسىمىز بار. پرەزيدەنت ەكولوگيالىق اپاتقا ۇشىراعان ارالدىڭ عالامدىق ماسەلەسىن قازاقستان نە بولماسا ورتالىق ازيانىڭ وزگە ەلدەرى دە شەشە المايتىنىن ايتتى. كاسپي تەڭىزىنىڭ تاعدىرى دا العاش رەت الەم الدىندا پىكىرتالاس تالقىسىنا ۇسىنىلدى. جەر ءجۇزى بۇل ولكەنى بۇعان دەيىن مۇناي كوزى سارقىلمايتىن «ەكىنشى پارسى شىعاناعى» دەپ ءتۇسىنىپ كەلدى. بىراق الەم كاسپيدى اپاتقا ۇشىراتپاۋدىڭ ناتيجەسىندە قۇرلىقتىڭ باسقا دا ەكولوگيالىق ماسەلەسىن شەشۋگە بولاتىنىن ۇعىناتىن شاق قازىر. بۇل جەردە ەڭ الدىمەن ترانسشەكارالىق وزەندەر مەن سۋ رەسۋرستارىن قىسقارتۋداعى ماسەلەلەردى شەشۋ ماڭىزدى. ءبىز ءۇشىن اسا ماڭىزدى, كۇرمەۋلى ماسەلەنىڭ ءبىرى – ترانسكاسپي ءوڭىرىن دامىتۋدىڭ كەنجەلەپ تۇرعانى. مۇنى دا ءبىر مەملەكەتتىڭ ارقالاۋىنا اۋىر سوعادى. بارلىق تاراپ كەلىسە وتىرىپ قولعا الۋ ماڭىزدى. لوگيستيكالىق تاسىمالداعى جۇيەسىزدىكتەن دە ەكولوگيا زارداپ شەگىپ, ەلدەردىڭ ەكونوميكالىق الەۋەتىنە كەسىرىن تيگىزەدى.
پرەزيدەنتتىڭ اقش-قا ساپارىنىڭ ءۇشىنشى قىرى - بۇل ورتالىق ازيا مەن اقش ەلدەرى كوشباسشىلارىنىڭ ءسامميتى. بۇرىن مۇنداي فورماتتا جيىن بولعان ەمەس. اقۇي مەن ورتالىق ازيا ەلدەرى ءدال كەشەگى سامميتتەگىدەي ىنتىماقتاستىق پەن ءوزارا ءتيىمدى كەلىسىمگە كەلەدى دەگەن ءۇمىت تە ب ۇلىڭعىر ەدى.
بۇل ماڭىزدى كەزدەسۋدىڭ ناتيجەلەرىن ءبىز ەلىمىزدىڭ جاقىن اراداعى ينۆەستيتسيالىق, ينفراقۇرىلىمدىق, تەحنولوگيالىق جانە لوگيستيكالىق جوبالار جۇزەگە اسقاندا كورەتىن بولامىز. اقش-پەن اۋقىمدى ەكونوميكالىق ىنتىماقتاستىق - بۇل قازاقستان ۇستاناتىن كوپۆەكتورلى ساياساتتىڭ كەمشىن سوعىپ تۇرعان ءورىسى ەدى. ەندى بۇل باعىت تا قارقىندى دامۋى ءتيىس», دەدى ساياساتتانۋشى.
