فوتو: اشىق دەرەككوز
دەگەنمەن, اباي وبلىسى اكىمدىگىنىڭ حابارلاۋىنشا, ناۋقاس پتر تەستىنەن وتكەن, اۋرۋ بەلگىسى راستالماعان. توتەنشە جاعدايدىڭ الدىن الۋ جانە جويۋ جونىندەگى جوسپاردان تىس وتكىزىلگەن وبلىستىق كوميسسيا وتىرىسىندا قابىلدانعان شەشىمگە سايكەس, حالىقتىڭ قاۋىپسىزدىگىن قامتاماسىز ەتۋ ءۇشىن جەرگىلىكتى دەڭگەيدە توتەنشە جاعداي ەنگىزىلگەن. سول ماقساتتا قازىر جەتىجاردان اۋىلشارۋاشىلىعى ونىمدەرىن شىعارۋعا شەكتەۋ قويۋ شاراسى كۇشىنە ەنىپ, جاعدايدىڭ سەبەپتەرىن انىقتاۋ جۇمىستارى ءجۇرىپ جاتىر. مامانداردىڭ ايتۋىنشا, ءسىبىر جاراسى اۋرۋ مالدىڭ ەتىنەن, تەرىسىنەن, جۇنىنەن, ءتىپتى, لاستانعان تاعامداردان, اۋىزسۋدان دا جۇعادى.
بەسقاراعاي اۋدانىنىڭ باسشىلىعى تەك رەسمي اقپاراتقا عانا سەنۋگە شاقىرىپ وتىر. سەبەبى, الدەن ەل ىشىندە دۇربەلەڭ تۋعىزاتىن قاۋەسەت, جالعان اقپاراتتار الەۋمەتتىك جەلىلەردە تاراپ جاتىر. سوندىقتان دا جاعداي تىكەلەي باقىلاۋدا بولعاندىقتان, حالىقتىڭ راستالعان اقپاراتقا عانا سەنگەنى ءجون.
