«ىنتىماقتاستىقتى نىعايتۋعا ءاردايىم مۇمكىندىك بار. ءبىزدىڭ ەلدەرىمىز اراسىندا ەشقانداي تۇيتكىلدى ماسەلە جوق. مەن دە ءسىزدى ەلىمىزگە ارنايى ساپارمەن كەلۋگە شاقىرامىن», دەدى ناتاشا پيرتس-مۋسار.
تاراپتار حالىقارالىق ماسەلەلەر بويىنشا پىكىر الماستى. اتاپ ايتقاندا, الەمدەگى تۇراقتىلىق پەن قاۋىپسىزدىكتى قامتاماسىز ەتۋ, بۇۇ قۇرىلىمىن جەتىلدىرۋ ماسەلەلەرى قاراستىرىلدى. سونىمەن قاتار مەملەكەتتەر باسشىلارى ورتالىق ازيا مەن قازاقستاننىڭ حالىقارالىق ارەناداعى ءرولىنىڭ ارتىپ كەلە جاتقانىن اتاپ ءوتتى.
پرەزيدەنتتەر حالىقارالىق قۇرىلىمدار اياسىندا ءوزارا تىعىز قارىم-قاتىناس جاساۋ جونىندە ۋاعدالاستى.
