الەكساندر تارانوۆ – تەحنيكا عىلىمدارىنىڭ كانديداتى, قازاقستاننىڭ ەڭبەك سىڭىرگەن ەنەرگەتيگى. ابىلقاس ساعىنوۆ اتىنداعى قاراعاندى تەحنيكالىق ۋنيۆەرسيتەتىندە ساباق بەرەدى.
ونەرتاپقىشتىڭ ايتۋىنشا, عيمارات بويىمەن ادام تاسىمالدايتىن جەدەلساتىلاردىڭ وندىرىسىنە مودەرنيزاتسيا قاجەت. ۇلتتىق ليفتىشلەر قاۋىمداستىعىنىڭ دەرەگىنە سۇيەنسەك, ەل اۋماعىندا قىزمەتتىك مەرزىمى وتكەن ءارى ەسكىرگەن 5 مىڭ ليفت بار. سول سەبەپتى جەدەلساتىعا جاڭالىق اكەلمەكشى.
– بۇل پروبلەمانى وتاندىق جولاۋشىلارعا ارنالعان پنەۆموليفتىلەردىڭ ءوندىرىسى شەشە الادى. بۇل ءوندىرىس دامىسا, نارىققا قاۋىپسىز جەدەلساتىلار شىعادى. پنەۆموليفتىلەردىڭ بۇرىنعى ارقانمەن كوتەرىلەتىن ليفتىلەردەن ايىرماشىلىعى – قۇرىلىسىنىڭ قاراپايىمدىلىعىندا. پنەۆموليفتىلەر جىلدام كوتەرىلەدى ءارى جىلدام تۇسەدى. ويتكەنى, جەڭىل. بيىك عيماراتتارعا ورناتۋعا ابدەن بولادى. جاسالۋىنا دا كوپ قاراجات كەتپەيدى. ءبىر سوزبەن ايتقاندا – جاڭا زاماننىڭ جاڭا تەحنولوگياسى, – دەيدى ونەرتاپقىش.
اۋەلى كونسترۋكتورلىق قۇجاتتاما پاكەتى ازىرلەنىپ, جولاۋشىلارعا ارنالعان پنەۆماتيكالىق كوتەرگىشتىڭ ءپروتوتيپى جاسالادى.
پنەۆماتيكالىق ليفتىلەردى جاساۋ جاڭا تەحنولوگيالىق جابدىقتار مەن جاڭا وندىرىستەردى قۇرۋدى قاجەت ەتپەيدى. قولدانىستاعى ماشينا جاساۋ زاۋىتتارىندا وندىرۋگە بولادى.
قاراعاندى وبلىسى
