فوتو: egemen.kz
ورتالىق ازيا مەملەكەتتەرى باسشىلارىنىڭ وتىرىسىندا جاساعان بايانداماسىندا ق.توقاەۆ قاداۋ-قاداۋ تۇيتكىلدى ماسەلەلەردىڭ ءتۇيىنىن دەر ۋاقىتىندا شەشۋ قاجەتتىگىن ەسكەرتتى.
ء«بىز سۋدى ءتيىمسىز پايدالانۋ جانە ەكولوگيالىق زارداپتاردى ەلەمەۋ پروبلەمالارىمەن بەتپە-بەت كەلىپ وتىرمىز. ءبىزدىڭ وڭىردەگى سىرداريا مەن امۋداريا سەكىلدى ەكى نەگىزگى وزەن سۋلارى ارناسىنىڭ رەتتەلۋ دارەجەسى تىم جوعارى. بۇل وزەندەردىڭ باسسەيندەرىندە جالپى كولەمى شامامەن 65 تەكشە كيلومەترگە جەتەتىن 80-نەن استام سۋ قويماسى سالىنعان. وسىلايشا, انتروپوگەندىك جۇكتەمە ارتىپ, تابيعاتتى ەكستەنسيۆتى پايدالانۋ جالعاسادى جانە ءارتۇرلى الەۋمەتتىك-ەكولوگيالىق پروبلەمالار ۋشىعادى دەگەن بولجام بار. مۇنىڭ ءبارى ايماقتىق قاۋىپسىزدىككە ايتارلىقتاي قاتەر توندىرەدى», دەگەن پرەزيدەنت سۋ ىرىستىڭ كوزى ەكەنىن دە ەسكە سالدى. ورتالىق ازيا ەلدەرىنىڭ باسشىلارىن سۋ ساياساتىن قالىپتاستىرۋدا تابيعاتتىڭ شەكتەۋلى رەسۋرسى ەكەنىن ۇمىتپاۋعا شاقىردى. بەس مەملەكەتتىڭ دە دامۋى قارقىن الىپ, ءال-اۋقاتىنىڭ ارتۋىنا سەرپىن بەرەتىن تىرشىلىك كوزى سۋ ەكەنىن باسا ايتتى.
