فوتو: كولىك مينيسترلىگى
«دۋشانبە قالاسىندا ورتالىق ازيا مەملەكەتتەرى باسشىلارىنىڭ V كونسۋلتاتيۆتىك كەزدەسۋى شەڭبەرىندە مارات قاراباەۆ پەن باسقا مەملەكەتتەردەن كەلگەن كولىك سالاسىنا جاۋاپتى ۆەدومستۆولارىنىڭ باسشىلارى وا-دا جەر ءۇستى كولىگىنىڭ ءوزارا بايلانىسىن نىعايتۋ تۋرالى كوپجاقتى كەلىسىمگە قول قويدى. كەلىسىم ورتالىق ازيا وڭىرىندە جەر ءۇستى كولىگىمەن حالىقارالىق تاسىمالداردى دامىتۋ ءۇشىن ودان ءارى قولايلى جاعداي جاساۋ جانە كولىك قىزمەتتەرى نارىعىندا باسەكەلەستىك ورتانى قامتاماسىز ەتۋدى كوزدەيدى», دەلىنگەن اقپاراتتا.
الداعى ۋاقىتتا كەلىسىمدى راتيفيكاتسيالاۋ بويىنشا جۇمىستار قولعا الىنادى.
جيىندا ورتالىق ازيا مەن باسقا مەملەكەتتەر اراسىنداعى ساۋدا بايلانىسى, كولىك قاتىناسىنىڭ ماسەلەسى تالقىلاندى. سونداي-اق كولىك لوگيستيكالىق قىزمەتتەردى نىعايتىپ, ءوندىرىس قۋاتىن ارتتىرۋعا سەرپىن بەرەتىن دۋشانبە كومميۋنيكەسىنە قول قويىلدى.
