سۋرەتتە: KMF كليەنتى جەكە مەنەدجەرىمەن
ءبىز بۇگىنگى تاقىرىبىمىزدا «كاسىپكەرلەر نەلىكتەن KMF-ءتى تاڭدايدى؟» دەگەن سۇراقتىڭ جاۋابىن ىزدەمەكپىز. سەبەبى بۇل كومپانيا وتاندىق شاعىن كاسىپكەرلىك الەمىنەن ويىپ تۇرىپ ورىن الدى. KMF ميكروقارجى يندۋسترياسىنىڭ كوشباسشىسى سانالادى. كومپانيانىڭ ستراتەگياسى كاسىپكەرلىكتى دامىتۋعا باعىتتالعان. نارىققا 1997 جىلى كەلگەن ۇيىمدا بۇگىنگە دەيىن جۇزدەگەن مىڭ كليەنتكە قىزمەت كورسەتىلدى. KMF ميكروقارجىلاندىرۋعا قولجەتىمدىلىكتى قاراپايىم, ىڭعايلى جانە جىلدام ەتە وتىرىپ, تسيفرلىق قىزمەتتەردى جاقسارتۋدى جانە ءوز كليەنتتەرىنە ودان دا كوپ مۇمكىندىكتەر بەرۋدى جوسپارلاپ وتىر. KMF كليەنتتەرىنىڭ باسىم بولىگى – اگروسەكتور وكىلدەرى, تاراتىپ ايتقاندا, ەكىنشى دەڭگەيلى بانكتەردىڭ اياعى جەتپەي جاتقان اۋىل فەرمەرلەرى.
كومپانيادا ءدال قازىر 255 مىڭنان اسا كليەنت بار. سولاردىڭ ءبىرى تۇركىستان وبلىسى تولە بي اۋدانى كوكسايەك اۋىلدىق وكرۋگىنىڭ تۇرعىنى مۇحتارحان رىساقباەۆتىڭ وتكەن ءومىرىن بۇگىنىمەن سالىستىرۋعا كەلمەيدى. وسىدان ءبىراز جىل بۇرىن جۇمىسسىز قالعان ساتتە تىم قۇرىعىندا كۇزەتشى بولارمىن دەپ ويلاپتى. قازىر ول بيزنەستىڭ ءتورت باعىتىن يگەرىپ, ءىرى كاسىپكەرگە اينالىپ ۇلگەرگەن.
«نەسيە العاندا مەن ونىڭ پايىزىنا نازار اۋدارمادىم. نارىقتا تەگىن ءونىم ءتۇرى جوق. ماسەلە – العان نەسيەڭدى دۇرىس باعىتتاي بىلۋدە. KMF-تەن 20 ملن تەڭگە نەسيە الىپ تۇرىپ, كەلەشەكتە بۇل قارجىنى 100 ملن تەڭگەگە كوبەيتەمىن دەگەن جوسپاردى كوكەيگە ءتۇيىپ قويدىم. كەزىندە نەسيەگە الىنعان ەكى ميكسەرىم قازىر ەكى زاۋىتقا اينالدى. قينالعان ساتتە قول سوزعان KMF-كە دەگەن العىسىم شەكسىز», دەيدى كاسىپكەر.
KMF ءدال قازىر بيزنەسكە, اگرو مەن تۇتىنۋشىلىق ماقساتتارعا ميكروكرەديت ۇسىنادى. ءبىز الداعى ۋاقىتتا ولاردىڭ اربىرىنە جەكە توقتالىپ, تاراتىپ ايتامىز. ال بۇگىن بىرەگەي «KMF-دوستار» تۋرالى ايتا كەتەيىك. «KMF-دوستار» – ميكروكرەديتتىك ءونىم, تۇسىنىكتى تىلمەن ايقاندا, توپتىق قارجىلاندىرۋ. بۇل ءونىم بويىنشا 10 ادامعا دەيىن جيناقتالعان توپ مۇشەلەرىنىڭ ارقايسىسى 7 ملن تەڭگەگە دەيىن جانە كەپىلسىز نەسيە الا الادى. ونىڭ بىرەگەيلىگى مىنادا: توپتاعى 10 ادام ءبىرى ءبارى ءۇشىن, ءبارى ءبىرى ءۇشىن جاۋاپتى, مۇنداعى كەپىلدىك – دوستار مەن تانىستار اراسىنداعى سەنىم مەن جاۋاپكەرشىلىك.
سونداي-اق KMF ۇسىنىپ وتىرعان باعدارلامالار اراسىندا اۋىل شارۋاشىلىعىمەن اينالىساتىندار ءۇشىن ارنايى جەڭىلدىكتەر بار. مىسالى, جەڭىلدىكتى كەزەڭ, 1 جىلعا نەسيە العان فەرمەر جىلدىڭ 10 اي بويى نەسيەنىڭ نەگىزگى پايىزىن عانا تولەيدى. ال سوڭعى ەكى ايدا, ياعني ءونىمىن جيناپ العان كەزدە نەگىزگى قارىزدى تولەيدى.
KMF وكىلدەرىنىڭ ايتۋىنشا, مۇندا ءار كليەنتكە جەكە جاعداي جاسالادى, ءاربىرىنىڭ جەكە مەنەدجەرى بار. ولار كليەنتىمەن ءاردايىم بايلانىستا, كەز كەلگەن سۇراقتارىنا جاۋاپ بەرىپ, كەڭەسىن ايامايدى.
كمF-ءتىڭ نارىققا ۇسىنىپ وتىرعان تاعى ءبىر تاماشا قىزمەت ءتۇرى – فاكتورينگ. بۇل كۇردەلى ماسەلەلەردى شەشىپ, تەك قارجىلىق ەمەس, سونىمەن قاتار ساتىپ الۋشى مەن جەتكىزۋشى اراسىنداعى ۇزاقمەرزىمدى سەرىكتەستىككە دە اسەر ەتەدى. فاكتورينگ – كەيىنگە قالدىرىلعان تولەم شارتتارى بويىنشا كليەنتتەرمەن جۇمىس ىستەيتىن بيزنەس ءۇشىن قولايلى قۇرال. بۇل قۇرال ساتىپ الۋشىعا تاۋار جونەلتىلگەننەن كەيىن اقشانى بىردەن الۋعا جانە قولما-قول اقشاداعى كەمشىلىكتەردى جويۋعا مۇمكىندىك بەرەدى.
قاراپ وتىرساق, قارجى ۇيىمىنىڭ كاسىپكەرلەر ءۇشىن جاساعان باعدارلاما مەن ۇسىنىستارى جەتەرلىك, قارجى ساۋاتتىلىعىن ارتتىرۋعا ارنالعان تەگىن ساباقتارى – ءبىر توبە. سول ءۇشىن دە كاسىپتى رەسمي جۇرگىزىپ, جەكە كاسىپكەر رەتىندە تىركەلۋدىڭ ماڭىزى – وسىندا. جەكە كاسىپكەرلىك ءۇشىن قارجىلاندىرۋ سالاسىندا مۇمكىندىكتەر سان الۋان, سەبەبى رەسمي تىركەلگەن بيزنەسكە قارجى ۇيىمى دا, تۇپتەپ كەلگەندە كليەنت تە كوبىرەك سەنەدى.
ميكروقارجىلىق قىزمەتتى جۇزەگە اسىرۋ قۇقىعىن بەرەتىن قنردا-نىڭ
26.02.2021 جىلعى №02.21.0003.M ليتسەنزياسى
الماتى
