فوتو: Shutterstock
ەكىجاقتى ىنتىماقتاستىقتى نىعايتۋ جانە ءتۋريزمدى دامىتۋ ماقساتىندا تايلاند كورولدىگىنىڭ ۇكىمەتى 2023 جىلعى 25 قىركۇيەكتەن باستاپ 2024 جىلعى 29 اقپانعا دەيىن قازاقستان رەسپۋبليكاسىنىڭ ازاماتتارى ءۇشىن ۋاقىتشا ۆيزاسىز رەجيم ەنگىزەدى.
«قازاقستان ازاماتتارى تايلاندتا 30 كۇنگە دەيىن ۆيزاسىز بولا الادى. ۇزاق ساپارلار ءۇشىن ءتيىستى ۆيزانى رەسىمدەۋ قاجەت. جارامدى جول ءجۇرۋ قۇجاتى قر ازاماتىنىڭ پاسپورتى بولىپ تانىلادى, ونىڭ قولدانىلۋ مەرزىمى شەكارانى ءوتۋ كەزىندە 6 ايدان اسۋى ءتيىس», دەلىنگەن سىرتقى ىستەر مينيسترلىگىنىڭ ءباسپاسوز قىزمەتى تاراتقان حابارلامادا.
