توپالاڭ شوشىتىپ تۇر

ولار قازىر ەسىل اۋداندىق اۋرۋحاناسىنىڭ جۇقپالى اۋرۋلار بولىمشەسىندە ەم قابىلداپ جاتىر. دارىگەرلەردىڭ ايتۋىنا قاراعاندا, بىرەۋىنىڭ جاعدايى وتە اۋىر. توپالاڭ پايدا بولعان ۇشقاراسۋ اۋىلىندا «رەس­پۋب­ليكالىق ەپيزووتياعا قارسى وترياد» مەملەكەتتىك مەكە­مەسى قو­را-قوپسىنى, جايىلىمداردى زالالسىزداندى­رىپ, ءتورت تۇ­لىككە تۇگەل كۇي­دىر­گىگە قارسى ەكپە ەگۋدە. «شى­عاسىعا يەسى باسشى» دەگەندەي, سەرىكتەستىك جۇمىسشىسى جالا­قىسىنىڭ ەسەبى­نەن بەرىلگەن ەتتى وتباسىنا بەرىپ جىبەرگەن. الگى ەتتەن اس قام­دانعان ايەلى قازىرگى كۇنى ءسىبىر جاراسىن جۇقتىرعان دەگەن كۇدىكپەن اۋرۋحانادا جاتىر. ناۋقاستاردىڭ اياق-قولدارى قابارا قارايىپ, دومبىعىپ, كۇپ بولىپ ءىسىپ كەتكەن.

– اۋرۋحاناعا تۇسكەن ناۋقاس­تار ەم قابىلداپ جاتىر. اۋىر حالدەگى ناۋقاسقا مەروپەنەم پرە­پا­راتى ەگىلۋدە, 52 جاستاعى ناۋ­قاستىڭ جاعدايى قيىن بولىپ تۇر, – دەيدى ات­باسار اۋداندىق اۋرۋحاناسى باس دا­رىگەرىنىڭ ورىنباسارى مۇح­تار تومتاەۆ.

اۋرۋحاناعا نەگىزىنەن سەرىك­تەس­تىك جۇمىسشىلارى تۇسكەن. كوپشىلىگى باقتاشىلار جانە ولارمەن قارىم-قاتىناستا بول­عاندار. قازىرگى كۇنى 300-گە جۋىق تۇرعىنى بار قاراسۋ اۋى­لى كارانتينگە جابىلعان. تا­لاپ بويىنشا ەلدى مەكەنگە جا­قىن­­داۋ مۇمكىن ەمەس, ارنايى بەكەت قويىلعان. اۋىل ماڭايىن پوليتسيا قىزمەتكەرلەرى مەن دەزينفەكتسيالىق جاساق كۇزەتۋدە. ايتسە دە, دارىگەرلەر مەن مال دارىگەرلەرى قاجەتتىلىككە وراي وتە الادى. وندا دا ەپيزووتياعا قارسى جاساق دەزينفەكتسيا جا­ساپ, زالالسىزداندىرعان سوڭ عانا سىرتقا شىعارادى. جاع­دايدى ءبىرشاما جەتە بىلەتىن مال دارىگەرلەرىنىڭ ايتۋىنا قا­راعاندا, وسى اۋىلداعى سەرىك­تەستىكتە ولگەن مالدىڭ بىرەۋىنەن ءسىبىر جاراسى تابىلعان.

– پىشاققا ىلىككەنى 30 باس, دەيدى اقمولا وبلىستىق ۆە­تە­ريناريا باسقارماسىنىڭ باسشىسى تالعات ءجۇنىسوۆ. – ءتورت باس مالدىڭ ەتى قوعامدىق تاماق­تاندىرۋ ورنىنا ءوتىپ كەتكەن. ونىڭ 536 كيلوسىن كەرى قايتارىپ الدىق. سول ەتتىڭ ىشىن­دە توپالاڭعا شالدىققان مالدىڭ دا ەتى ءوتىپ كەتۋى مۇمكىن. انىعىن ساراپتامادان كەيىن عانا ايتا الامىز. ءبىر بەلگىلىسى, جەرگىلىكتى مال دارىگەرلەرى تابىنداعى ت ۇلىكتىڭ ءبارىن ەككەن بولاتىن.

توپالاڭنىڭ سورابى ازىرگە بەيمالىم. ايتەۋىر, ەتەك الىپ كەتپەسە بولعانى. بۇرىن-سوڭدى بۇل ولكەدە كوز كورىپ, قۇلاق ەستىمەگەن دەرتتىڭ داقپىر­تى ءدۇيىم ەلدى سەسكەندىرىپ وتىر.

اقمولا وبلىسى,

جارقايىڭ اۋدانى