فوتو: https://polisia.kz/
33 جاستاعى كۇدىكتىنىڭ 8 بوتەن م ۇلىكتى ۇرلاۋعا قاتىسى بار ەكەندىگى دالەلدەندى. تاعى 12 قىلمىس بويىنشا ءتيىستى تەرگەۋ ءىس-شارالارى جۇرگىزىلىپ جاتىر. جىل بويى تسەلينوگراد پوليتسيا بولىمىنە قاراوتكەل جانە قوياندى اۋىلدارىنىڭ تۇرعىندارىنان ەلەكتر قۇرالدارىن ۇرلاۋ فاكتىلەرى بويىنشا وتىنىشتەر كەلىپ ءتۇستى.
تەرگەۋ بارىسىندا بەلگىلى بولعانداي, وسىنداي وتىنىشتەر قوسشى قالاسى مەن ارشالى اۋدانىنىڭ پوليتسيا بولىمدەرىندە دە تىركەلگەن. جابىرلەنۋشىلەردىڭ ايعاقتارىنا سايكەس, بەلگىسىز ادامدار ەلدى مەكەننىڭ شەتىندە سالىنىپ جاتقان وبەكتىلەردىڭ اۋماعىنان ەلەكتر قۇرالدارىن ۇرلاعان. بارلىق فاكتىلەرگە قاتىستى قر قك-ءنىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەۋ جۇرگىزىلىپ جاتىر. جارىبلەنۋشىلەردەن تۇسكەن ارىز, شاعىم بويىنشا كريمينالدىق پوليتسيا قىزمەتكەرلەرى ىزدەستىرۋ جۇمىستارىن ناتيجەلى جۇرگىزىپ, ۇرىنى قاماۋعا الدى.
«پوليتسيا قىزمەتكەرلەرى ەلوردا اۋماعىندا جانە استاناعا كىرۋ-شىعۋ كەزىندە ورناتىلعان بەينەباقىلاۋ كامەرالارىنىڭ دەرەكتەرىن مۇقيات زەردەلەدى. جەدەل قىزمەتكەرلەر وتكىزۋ پۋنكتتەرىن تەكسەرىپ, بۇرىن م ۇلىكتىك قىلمىستار ءۇشىن سوتتالعان ادامدار مەن ىقتيمال كۋاگەرلەردەن جاۋاپ الدى. قابىلدانعان شارالاردىڭ ناتيجەسىندە استانا قالاسىندا بىرقاتار ۇرلىق جاسادى دەگەن كۇدىكپەن 33 جاستاعى ازامات ۇستالدى. ول اۋىلدىق ەلدى مەكەندەرگە ءوزىنىڭ Lada Priora اۆتوكولىگىمەن كەلىپ, يەلەرى ءتيىستى باقىلاۋسىز قالدىرعان ەلەكتر قۇرالدارىن اكەتىپ, سودان كەيىن ساتقانى انىقتالدى. كەيىننەن ۇرلانعان ەلەكتر قۇرالدارى ەلوردانىڭ قۇرىلىس نارىعىندا ساتىلعان. ءتىنتۋ ءىس-شارالارى كەزىندە پوليتسەيلەر ەلەكتر قۇرالدارىنىڭ 120-دان استام ءتۇرىن تاركىلەدى, ولاردىڭ ءبىر بولىگىن جابىرلەنۋشىلەر تانىعان. قازىرگى ۋاقىتتا ۇستالعان ادامنىڭ 8 ۇرلىققا قاتىستى بولعانى دالەلدەنگەن, تاعى 12 فاكت بويىنشا تەرگەۋ ارەكەتتەرى جۇرگىزىلىپ جاتىر. ۇرى ۋاقىتشا ۇستاۋ يزولياتورىنا قامالدى», دەلىنگەن اقپاراتتا.
