فوتو: gov.kz
كەزدەسۋدى اشقان دەپارتامەنت باستىعى باقىتجان مالىباەۆ جينالعاندارعا مەملەكەت باسشىسى قاسىم-جومارت كەمەل ۇلى توقاەۆتىڭ اتالعان ستراتەگيالىق قۇجاتتا ىشكى ىستەر ورگاندارىنىڭ الدىنا قويعان باسىم مىندەتتەرىن جەتكىزدى.
«زاڭدىلىق پەن قوعامدىق ءتارتىپتى ساقتاۋ ءىسى مەملەكەت باسشىسىنىڭ ۇدايى نازارىندا. پرەزيدەنت جاڭا جولداۋىندا دا ەلىمىزدە زاڭ ۇستەمدىگى مەن ادىلدىكتى ساقتاۋ قاجەتتىگىن مالىمدەدى», دەدى ب.مالىباەۆ.
وتىرىس بارىسىندا استانا قالاسى ءماسليحاتىنىڭ دەپۋتاتى تالعات ەرعاليەۆ ءسوز الىپ, جولداۋدىڭ نەگىزگى ەرەجەلەرىنە كەڭىنەن توقتالدى.
«پرەزيدەنت ۇسىنعان باستامالار ەلدەگى جۇرگىزىلىپ جاتقان رەفورمالاردىڭ زاڭدى, ياعني باستى ماقسات – قۋاتتى ءارى قارىشتاپ دامىعان مەملەكەت قۇرۋ. مەملەكەت باسشىسى ازاماتتاردىڭ ءومىر ءسۇرۋ دەڭگەيىن ارتتىرۋدىڭ, ەلدەگى قاۋىپسىزدىكتىڭ, بەيبىتشىلىك پەن تۇراقتىلىقتىڭ مەملەكەتتىڭ باستى نازارىندا ەكەنىن تاعى دا نىقتاپ ايتتى», دەدى ءماسليحات دەپۋتاتى.
«بۇگىنگى كۇنى پوليتسەيلەرگە ايىرىقشا جاۋاپكەرشىلىك جۇكتەلىپ وتىر. سىزدەر حالىقپەن تىعىز قارىم-قاتىناستا جۇمىس ىستەگەندىكتەن, قىزمەتتەرىڭىز ازاماتتاردىڭ قۇقىقتارى مەن مۇددەلەرىن قورعاۋعا, سونداي-اق زاڭدىلىق پەن ادىلەتتىلىك قاعيداتىن قامتاماسىز ەتۋگە باعىتتالۋى ءتيىس», دەپ اتاپ ءوتتى Amanat پارتياسى توراعاسىنىڭ كەڭەسشىسى شىڭعىس قوجاحمەتوۆ.
ول پوليتسەيلەردىڭ ناتيجەلى ەڭبەك ەتىپ, زاڭعا جانە قازاقستان حالقىنا ادال قىزمەت ەتەتىنىنە سەنىم ءبىلدىردى. ءوز كەزەگىندە ءىس-شاراعا قاتىسۋشىلار جوداۋدىڭ وزەكتىلىگىنە باسا نازار اۋدارىپ, مەملەكەت باسشىسى ۇسىنعان رەفورمالاردى ىسكە اسىرۋدا ازاماتتاردىڭ شوعىرلانۋى قاجەت ەكەندىگىن ايتتى.
«پوليتسيا قىزمەتكەرلەرى مەملەكەت باسشىسى العا قويعان مىندەتتەردىڭ ساپالى ورىندالۋىن قامتاماسىز ەتۋگە, ناقتى ناتيجەلەرگە قول جەتكىزۋ ءۇشىن بارلىق كۇش-جىگەرلەرىن جۇمىلدىرۋى ءتيىس», دەپ دەپارتامەنت باستىعى وتىرىستى قورىتىندىلادى.
كەزدەسۋ سوڭىندا مەكەمە باستىعى Amanat پارتياسىنىڭ وكىلدەرىنە پرەزيدەنت جولداۋىن تالقىلاۋعا بەلسەندى اتسالىسقاندارى ءۇشىن العىس ءبىلدىرىپ, جۇمىستارىنا تابىس تىلەدى.
